[الفـ البعيد ـجر]

مجموعة تنظيف البشرة :



مجموعةبوصفة طبيه من مستوصف أيما ..

الصراحه أنها رهيييييييبه وتعطي نتايج تبين من أول اسبوع استخدام .. !

كنت قبلها استخدم مجموعة deep clean من نيتروجينا .. المجموعة هذي تناسب بشره عن بشرة .. أنا كانت تناسبني بالمرررررررهـ بينما اختي يصير وجهها كنه قرص خبز محمر على الصاج

وسعرها جدا معقووووول .. أو يمكن يكون رخيص ما يتعدى 100 ريال للمجموعه اللي في الصورة
7
7


---------------------------------

واقي الشمس

بعد أخذته من مستوصف أيما .. وموجود في الصيدليات ..



---------------------------------
تجعيد الشعر:



إذا مالك خلق .. والنفس شينه .. مالك الا حمام بارد منعش .. >> هذا بالصيف مو تتوهقون تسونها في الشتا

وشعرك لا تشيلي همه

مجموعة ويلا .. لتجعيد الشعر .. رهييييييييبه .. البخاخ يجعد الشعر بشكل منتظم .. والجل يحافظ على الشكل ..

أحلى مافي الموضوع .. ان النتيجه تكون طبيعية .. وشعرك يكون متموج ولين موب واقف كنه أسلاك حديد

على فكرهـ: التجعيد = موضه الصيف .. تخيلي شكلك بيصير غلط لو جعدتي شعرك ولبستي جاكيت صوف

---------------------------------------------

عطور :

اخر شي جايبه لكم اخر تجاربي في العطور ..



نبدأ من اليمين :

1) أحب شعري ريحته حلوه ..وهذا عطر مخصص للشعر chanel Nْ 5
2) عطر لا باس la base من باريس جاليري .. هذا يصلح للي تحب دهن العود والبخور .. بس بنكهه حديثه .. طبعا هو من مخلطات باريس جاليري حصري عليهم .. >> ريحته قويه يصلح للمساء
3) عطري المفضل Cinema من ايف سان لوران .. وهذا العطر كان ون شوت .. ينزل مره وحده بالموسم ..
لانه مخفف المخفف لكن البرفيوم والتواليت موجود على مدار السنه
4) عطر elle من ايف سان لوران برضو .. وريحته تشبه Cinema كثير .. بس يوم نزلت اعلاناته .. شريته قبل يخلص عطري Cinema >>بهالشكل لازم ايف سان لوران يعطوني درع الزبونه المخلصه

ونصيحه .. عطر دايموند من ارماني .. نازله دعاياته بكثافه .. يوم شميته طلع فعلا جنان .. اللي ناويه تشتري عطر تشقر عليه

-----------------------------------------

يلااااااااا عاد ... على قد ما تعبت ... أبي منكم تفاعل .. وتجارب ..مو بالضرورة .. تصورين لنا مكياجك .. ممكن تلاقين الصور على الشبكه .. والا اكتبي لنا اسم المنتج وحنا نجيب الصوره من قرونها

اللي تكتب تجربتها مع المكياج .. بعطيها حلاو مصاص غندوووور واللي ماتكتب .. أحسن .. موب معطيتها شي