موضوع ضحكني وألمني
حقيقي أهل العقول في راحة
وكلامك عن المسيار صحيح وواقعي وواقعنا صاير مؤلم
قال الله تعالى : " وجعلنا بيكم مودة ورحمة "
ماقال وجعلنا بينكم جنس وغرائز
ليه مانتكلم باللفظ الصحيح والحقيقي لمعنى المسيار
على ايه يرتكز فكرة زواج المسيار ؟
مو لغة جسد على أكثر !!!
لااا أحد يحاول يقنعني أو يقنع نفسه في البداية بأنه المرأة تحتاج لرجل تستند عليه
احنا بنضحك على ميين !!!
مو هيا اتنازلت عن حقوقها ؟!!
لا نفقة ... ولا ميراث ... ولا أولاد ... ولاااا اي شي غير الجسد !! وللأسف
بالله عليكم دحين الرجال اللي متزوج مسيار بيعدي على زوجته يقولها اش تحتاجي ولا اش تبغي
ولا اش عندك شي تبغيني اسوييييه ؟!!
كل اللي بيسويه إنه يجي ويفض غريزته فيها ويتكل على الله .......... وللأسف
تلاعبو و بدلو مفهوم أقدس علاقة وأغلظ ميثاق ربي وضعه على الأرض إلى مهزلة وسخرية
وحبيت اعقب تعقيب بسيط على اخني الفجر البعيد على هذه العبارة
اقتباس:
المشاركة الأصلية كتبت بواسطة الفـ البعيد ـجر
هالمطلقين وهالمتبهذلين بحياتهم لقوا لهم متنفس بالزواج المسيار بدون التزامات وارتباط
>>لأنهم موب قد ميثاق الزواج من أساسه<< |
ليش تحددي هذه الفئة من الناس بهذا الزواج ...
وكمااان تتهميهم إنهم مو قد ميثاااق الزواااج ؟؟؟؟
الله يسامحك على كلامك الكبيييير جدا
هل كل مطلق/مطلقة غير جدير بالحياة الزوجية ؟؟
الدنيا مليااانة عجايب ,,, ولكل إنسان وضعه ,,, وأبسط هالأوضاع عدم الإتفاق
وهذا شي طبيعي يحصل ,,, ومافيه اي خطأ لو اثنين ما اتفقو
وشي أكثر طبيعية إنه يحصل في مجتمعنا المتخلف اللي يحرم كل علاقة بين الرجل والمرأة بتقليده وعاداته لا بدينه
عمره الدين ماكان يقول حرام تعامل الرجل مع المرأة
إذا عندنا الزواج بيصير صقع رقع يعني بشكل سريع وغير مرتب
متى راح يلاقو هذول الشخصين فرصتهم في التعرف على بعض أكثر ؟؟
بعد الزواج ؟؟؟
بعد مايطيح الفاس بالراس ؟؟؟
لو كان في مدة كافية قبل الزواج يقدرو يعرفو فيها بعض كفااااايه ويشوفو نفسهم يقدرو يكملو ولا لا
اتفقوا ولا لا
يقرروا حياتهم بنفسهم مو بقرار الكبار ,,,
وإذا قالو إنهم مو جدرين بإتخاذ القرار ,,, فبالتالي هم غير جديرين بالحياة الزوجية نفسها
المعذرة على الإطاله
ولكن تعقيبي على كلام أختي الفجر البعيد أثار غيضتي
ماحب تفكير المجتمع السخييييف على هذه الفئة المضطهده اجتماعيا لا دينا
