قصة البنت المطفوقة والشاب المنحوس

[الفـ البعيد ـجر]

قصه استمتعت بقرائتها .. فحبيت تشاركوني الابتسامه

شاب جامعي خلوق اراد ان يتزوج... لكن امه العجوز تكفلت له بأن تبحث له عن فتاة تعرفها وتدخل مزاجها لان مو كل بنت على حد زعمها تصلح لها >> هي اللي تبي تتزوج البنت والا ولدها

اخوات هذا الشاب ذكروا له زميلتهم في الكلية وهي فتاة رائعة وآية في الجمال والاخلاق واجتماعية بشكل كبير... ومن كثر ما يتكلمون عنها تعلق قلبه بها وطلب من أخواته ان يكلموها عنه... بدأ البنات بالحديث لتلك الفتاة عن أخوهم واخلاقه الرائعة ودمه الخفيف وحفاظه على الصلاة والدين واحتقاره للشباب اللي يرقمون.. ومن هالحكي.. المهم >> أوالله خوات بعد

البنية المسكينة تعلقت فيه وحبته وتمنت اليوم اللي يجمعها به (مساكين البنات قلوبهن على جريف) ... لكن المشكلة انهم من قبيلتين مختلفة وكيف يقنعون الام العجوز بها البنية الحلوة ... وبعد مشاورات ... وتعرفون النساء وحيلهم وبالذات بنات هاليوم

بعد يومين اتصلت هالبنية المسكينة على أخوات الشاب وقالت : مافيه الا اني اتعرف على امكم شخصيا اللين اخليها تعجب فيني وهي بنفسها اللي تخطبني له(وصلت حدها المسكينه)
قاموا يفكرون شلون تتعرف على امه ؟ طرى على بالها ان ابوها وامها بيحجون هذي السنه


قالت :وش رايكم تودون امكم للحج بنفس الحمله اللي بيروحون فيها اهلي وانا ابقنع اهلي ان يودوني معاهم ....؟ >> (ليشهدوا منافع لهم ويذكروا الله في أيام معلومات)
ومن يومها وهي تحن على اهلها ابي احج معكم ؟ قالوا لها : ماعندنا مانع والحج فريضه على كل مسلم وودنا انك تروحين وتقضين فرضك

انبسطت وقالت له ان اهلها بيودونها للحج معهم والدور عليه اللحين عشان يخلي امه تروح للحج ..


واول ماوصلوا لمكه وهي تتشوف لها في السكن اللي هم ساكنين فيه وكل وقت وكل صلاه وهي جنبها وبالليل تساعدها بقراءة الدعاء (يضرب الحب شو بيزل) .. ولما جاء يوم عرفه راحت تجمع لها الحصى وتقول لها هذا الحصاة اكبر وتعور إبليس وتعطيها .. ولما راحوا يرجمون كانت معها بكل خطوه من خطواتها ... ولما جاء اخر يوم من ايام الحج وكانوا بيطوفون الوداع راحت تسلم عليها وتحضنها وتقول لها والله اني احبك زي امي واني ارتحتلك ياخاله وتهل من دموع التماسيح


وراحوا للمطار عشان يرجعون لديرتهم ولما وصلوا استقبل الولد امه وابوه من المطار وقعد يسئلهم عن حجهم وعسى ماتعبتوا ومن هذا الكلام وبعدها قال

يمه عسى ارتحتي بحجك ؟

قالت ياولدي والله انه احسن حج ذا السنه الله يخليك لنا

قال : عسى الناس اللي معك طيبين وارتحتي لهم ؟

قالت :والله ماعليهم ناس أجاويد بس

بس

بس

بس

بس


بس

بس

بس

بس

بس

والله ماضيق صدري الا بنت لزقة كانت معنا نشبت بحلقي
ما شفت ملقوفة ومطفوقة مثلها

الله يعيين اللي بياخذها

من هنا نستنتج أخواتي حبيباتي ونخلص إلى الاتي :

1) من حينك شيلي قليبك وحطيه بفريزر ولا تفكرين بأخوان صديقاتك
2) ليس بالضروره كل مايقولونه الاخوات عن اخوانهم صحيح .. يمكن يصير ما يدخن بس يشرب شيشة
3) لا حرج في طلب المنفعة من رحلة الحج ولكن لا يطغى ذلك على الهدف الاساسي وهو التعبد لله عشان ما يعاقبك ربي
4) اللي ترز عمرها عند وحده عجوز .. حسك عينك تنشبين لها بكل وقت .. الموضوع سهل مايتجاوز غير انك تسكتين طول الوقت وراح تحسبك حكيمة الزمان والله الله بالستر والشراب الاسود .. وحسك عينك تجعدين شعرك زي صورتي عند عجوز .. تراها يجن جنونها

منقول والبنك كولور تعليقاتي >> على بالها شوط كوره

[miss sony]

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه
ياحياتي عليها مسكينه بعد هالسنع والتعب والتلزق هذي اخرتها ( حسبي الله عليها من عجوز )


ومن ناحية اسكتي عند عجوز طول الوقت وراح تحسبك حكيمة زمانك!!!!!!!! والستر والشراب !!!!!!

هههههههههههههههههههه في هذي صدقت

مششششششششششششكوره ياحبيبتي الموضوع مرررررره حلو

[DALEMA]

هلا بنات...

والله هذا الموضوع شدني ودخلت قسم البنات..

والله مسكينه هذي البنت...

((وما أقول إلى حسبي الله ونعم الوكيل))

ولي كاتبنه ربك يصير..

سلام..

[الفـ البعيد ـجر]

هلا فيك miss sony شفتي كيف !! المسكينة على قد ما ضاق صدري لها .. على قد ما ضحكت عليها .. "شر البلية ما يضحك"

ذكرتني بقصيدة " منحوس " للأمير عبدالرحمن بن مساعد ..


DALEMA حياك الله .. ومرورك رائع .. على الصفحة

لايضيق صدرك بالمرهـ .. وفائدة خاصة لك

- يوم ما تفكر تتزوج قول لأمك .. أبي هذي البنت وبس ولا ترسلهم مع بعض للحج

[Aisha]

وحليلها البنت .. مسكينة .. سوت خير للعجوز راحت ضربته في الحيط ..

هاذا حال العجايز ما يعجبهم العجب ولا الصيام في رجب ..

الله يعطيكي العافية يا فجوورة ويحميج من منكر العجايز

[الفـ البعيد ـجر]

هاذا حال العجايز ما يعجبهم العجب ولا الصيام في رجب ..

صادقه .. بس موب كلهم

مساكين بعضهم إذا كبر (سواء حريم والا رجال) .. تشين نفسه ولا يعجبه شي .. وياويلك تساعدينه في شي .. يقول لك وهو معصب .. اعرف أدبر حالي أنا ما خرفت !!!!

بس هالكبار بالسن تاج على روسنا مالك الا تدارينهم وتتحملينهم الشكوى لله ..

ويحميج من منكر العجايز

ههههههههههههههههههههههههههههههههـ


وشاكره لك مرورك يالغالية ..

[Indescr!bable G!rl]

من جد على قول المثل (شر البلية مايضحك)
والله انها مسكينه
ماأقول غير حسبي الله ونعم الوكيل
على العجوزه
>>> مقهوووووووره عالبنت
ماعلينا خيتو مشكوره حبيبتي فجوووره عالقصه الجميله والمضحكه فنفس الوقت

[angel of mercy]

هههههههههههههههه

مسكينه راحت تعبتها بالهواا

بس ضربها على يدها وقال لها تصير غثه

الله يعوضها خخخخخخخ

مشكوره على النقل ياعسل

[الفـ البعيد ـجر]

عذاري .. هلا فيك ياقمر ..

انجل .. شفتي كيف ! مسكينه متوصيه على بالها تسوي معروف !!!

منورين الصفحه بردودكم
ومرحبا بصبايا المرور السريع.. انتبهوا على اللفه