قصص الاعضاء وذكرياتهم الجميلة مع سوني اريكسون

[CyberShot]

.هلا شباب

بغيت اقولكم قصتي مع سوني اريكسون ..

انا بدايتي مع k800 >>> كان افضل جهاز امتلكته في حياتي

وحبيت الجهاز وايد ... اتذكر شريته اول مانزل وكان بالحظ وكنت ماعرف عنه شي ولا قريت عنه شي ولا اعرف شي عن السوني اريكسون وذاك الوكت اول مانزل اتذكر كان مو مشهور ومحد يعرفه


احين انروح حق 4 الاجهزه الاخرى الي امتلكتهم اقل من نصف سنه ..

اول مانزل اعلان حق k850 انا فرحت لان انا كان عندي k800 وقلت k850 اكيد بيكون روعه

بس k850 طول وكانو كل الاعضاء ينتظرونه ينزل بس انا ماقدرت اصبر ..

قمت شريت جهاز p1i جهاز ممتاز ورائع بس انا ماحبيته لان ماحبيت نظام ذكي ... وعقب فتره قصيره شريت t650 الجهاز احلى شي شاشته وبس ... وعقب شريت w580 الصراحه جهاز بسيط وحلو وايد وصوته قوي وجميل ونظامه حلو كثير بس يعيبه الكيمرا ... لو كيمرته قويه كان جهاز متكامل


وانا الصراحه احس ذي الشي مرض نفسي واصراف وخلاص تبت مابشتري اجهزه اخرى ...

احلى جهاز امتلكته :

1- k800 كنت اندهشت من تصويره من اول مره وكان ذيج الفتره k800 ملك اجهزه سوني اريكسون وللحين بيتم ملك ...

2 - w580 الرقيق اعتبر هالهاتف رومنسي وجهاز رقيق .. بس حرام كيمرته مو حلوه كلش ولكن افضل من نوكيا 2 ميجا بيكسل .. انا توقعت تصويره على اقل في وضوح k750



انزين انا قلت لكم 4تلفونات بقى تلفون ماقلت لكم عنه ..


الجهاز الرابع احين في يدي توه يديد k850 انشالله اتوفق فيه واحبه مثل ماحبيت k800 ويتم في يدي على اقل سنين وعقب افكر بجهاز يديد .. والسبب الرئيسي في تعلقي لسوني اريكسون هو k800 >>




الصراحه انا عندي احين k850 ماقدر اقولكم رايي فيه لان للحين ماتعودت عليه .. بس ابيكم انتو تقولون لي رايكم في k850 ?? بكل صراحه وبدون تحيز ومابي احد يمدح بس لانه جهازه ...


اتمنى كل واحد يقولي قصته مع اجهزه سوني اريسكون وشنو افضل جهاز امتلكه ؟؟؟

[ranyrany]

lفضل جهاز امتلكتة هو k810
الصوت اعلى من الk800

[recoba-20]

عن نفسي اول جهاز شريته سوني اريكسون كان t100
وما قعد معاي اسبوع الا وطاح في كاس مويه وانعدم

ورجعت للنوكيا (n-gage)وقعدت معاها فتره الى ان رايت الk750 فاشتريته بدون تردد

وانا امتلكه الى الان (يعني سنتين وشوي) وباذن الله راح اشتري الملك الجديد k850 نهاية الشهر



ومشكور على الموضوع

[DALEMA]

أما أنا...

عندي w700i عادله أكثر من سنه !!

وأنتظر W910i !

[goldenwaw]

والله انا عندي جهاز ال w810i ممتاز بس عيبه الصوت الواطي لكنه والله جهاو ممتاز ومريحني وان شاء الله لما ينزل ال w910i اكيد اح اشتريه

[Mr_WaLkMaN]

اول جوال عندي كان 7610 وبعده 6670 وبعده الـمارد k750 وأخترب وبعده 6260 (خرطي) وبعده n90 ،،
كنت أستخدم الـ n90 وبعته ، حالياً الـ k800i وممكن بعد كم يوم أبدل << ما أوقف على جهاز واحد

والله انا عندي جهاز ال w810i ممتاز بس عيبه الصوت الواطي لكنه والله جهاو ممتاز ومريحني وان شاء الله لما ينزل ال w910i اكيد اح اشتريه

راسلني على الخاص لو سمحت ، بقول لك شلون ترفع صوت w810 ،،

[admin_m]

شراء اجهزة سوني اريكسون ادمان بالنسبه لي .. وهذا شي غلط لانه كل فلوسي تروح على اجهزه .. وناوي اني اوقف هذي العاده السيئه
انطلاقتي مع السوني كانت مع المارد k750 واستمر معاي مدة سنه وبعته واشتريت k800 جلس معاي ثلاث ايام وبعته واشتريت w810 جلس معاي 8 شهور وبعته واشتريت w850 جلس معاي اسبوع وبعته واشتريت w880 جلس معاي 5 اشهر وبعته واشتريت k610 جلس معاي اسبوع وبعته واشتريت k810 ولحد الان هو موجود معي ...
لو تسالوني وش افضل جهاز حبيته وارتحت معاه راح اقولكم هم جهازين
(w810 و k810 )

[Rajovz]

first one was P800 its still with me even i get p1i but i love p800 more
i was waiting more from p1i but ...i
tell now i dont find the one i can feel happy with totaly
i felt sorry coz i get p1i especially i get it in the begining from ksa for 2700 SR....720$

[راعي الرنج]

انا امتلك جميل أجهزت السايبر شوت و أخرها K770
و بصراحه الأجهزه افضلها K750 و بعده K810 و بعده K770 و بعده K800 و بعده K550 و بعده K850

و بصراحه لين الحين مب راضي عن K850 لا من السوفتوير ولا من الهاردوير

[Highllander1975]

lفضل جهاز امتلكتة هو k810

[شاهب]

مزااااال الافضل w900i ثلاث سنوااات بدون علل او مشاااكل

هاتف متتاز في جميع الموصفاااات ولا اعتقد احد بيخلفه

وانا بصراااحه مافي اي من الهوااتف الاخري دخلت مزااااجي

شكرااا لصاااحب الموضوع الطيب تحيااااااتي للجميع

[(خالد(]

احسن جهاز شريته وهو احسن جهاز من سوني اريكسون w900 شكل حلو صوت عالي كاميارا ممتازه ذاكره 1جيجا والدخليه 470 ميجا تعليق انسسسسسسسا بس عيبه ثقيل شوي وجربت w660 w850 w880 وكلها عاديه وانشاء k850 في الطريق

[smartilsh]

استخدم P1 وبصراحة جهاز مريح ورائع


وقبله كنت استخدم k700 الي كان ممتاز وقت نزوله لكن بعدين كان كل شي فيه ضعيف كالصوت والكامرا لكن استخدامه كان جميل جدا

[الغالي_KSA]

انا الصراحه كان عندي الدمعه
والوالدة الله يحفظها كان عندها K750 ولمن شفته واستخدمته حسيت بالفرق وخصوصا الكاميرا
وبعدين سمعت ان السوني راح تنزل جهاز بكاميرا 3.2 الصراحه ماقدرت جلست استناااه لين رحت الامارت واشتريته وظل معاي تقريبا سنه وخلال هالسنة سمعت عن K850 وقلت خلاص ان شاء الله هذا جوالي الجاي لكن الجماعه طولوا فاخذت لي K810 وهو عاد اللي ماطول معي يمكن بس 3 شهور وحاليا وبكل فخر الجهاز الي يبهرني يوميا K850 روعة الاجهزة روعة التصميم وروعة الابداع والصوت انا مايهمني لكن هو صوته عالي
ومشكووووووور اخوي duncan_blue على الموضوع

[??101??]

السلام عليكم ورحمة الله وبركاته



افضل تلفون

k610