قصتي في يومي الوظيفي الأول - منتديات سوني اريكسون

**الفـ البعيد ـجر** · #1 (**permalink**) 27-11-2007, 04:07 AM

السلام عليكم ورحمه الله وبركاته

بما أن هذا اول موضوع أكتبه في قسم التسلية .. قلت ابي اتأكد هل أنا أكتب بالمكان الصحيح والا لا .. ولما قريت التعريف بالقسم مكتوب :

اقتباس:

نكت , مسابقات , قصص مضحكه , مواقف طريفة

>> ياماريو ..سؤال مدري وش يبي بالضبط ..لكن .. وش الفرق بين القصص المضحكة والمواقف الطريفه ؟؟

7
7
هذه الحلقه برعايه:

شاي ليبتون و طماط الديره

تستطيع أن ترى الصورة بحجمها الطبيعي بعد الضغط عليها

&

7
7
نبذه عن الكاتب:

أمي تسلم عليكم وتقول ماحب منتداكم !

وذلك بسبب أني كل يوم عشية وحتى الضحى .. اجلس على نفس الكرسي وافتح الكمبيوتر .. واتصفح هذا المنتدى أو أصمم ثيم.. بحيث ينامون أهل البيت ويقومون يلاقوني على نفس الشكل!

فصارت أمي تناديني عامود الدار! >> وجه الشبه: أني وعامود الدار كأننا (خشب مسنده) وليس الغرض من تشبيه بعامود الدار هو الإشارة إلى أهميتي في المنزل لا سمح الله

نخش على الموضوع :

امي قبل يومين قالت حالك ونظامك ونومك موب عاجبني .. ابي اكلم على (فيتامين واو) .. تشوف لك وظيفه .. أي شي .. ولا تقعدين بهذا الشكل ..

يوم صار أمس نمت الساعه 10 الصبح .. و يوم صارت الساعه 11 الصبح .. دق جوالي .. وأنا توني ماسكه الخط يعني بغرقة النوم

رديت على المتصل .. وأنا في حاله سبات تام !

أنا: وعليكم السلام والرحمة

قالت: أنتي (الفجر البعيد)
قلت: ايه
قالت: أنا من مكتب الاشراف التربوي ونحتاج موظفه إدارية على بند محو الأمية ؟ عندك الرغبه بالوظيفه أو لا

؟؟
أنا: وش رايك ؟؟ >>

قالت: أنا أسألك .. بسرعه قرري

؟
أنا: طيب وش طبيعه الشغل >> نايمه بس عقلها يجمع بعض الأحيان

قالت: تداومين بمدرسه تعليم الكبيرات .. وهي مجمع (ثانويه عامه + ثانويه تعليم الكبيرات)لكن انتي ماعليك الا بتعليم الكبيرات

أنا: نعععم ! يعني أنا أبي أدرّس حريم بعمر جدتي

بهاللحظة سمعت صرخة مدويه أوجعت أذني لحد الحين .. قالت: انتي مالك دخل بالتدريس .. أنت وظيفتك إدارية بحته
انا: طيب طيب .. خلاص .. موافقه >> النوم سلطااااااااااان

قالت: جيبي أوراقك بكرا وتعالي للمكتب وقعي العقد ..

يوم صارت الساعه 12 الظهر .. تنبهت .. ياللهول !

نزلت أركض قلت لأمي مدري حلم والا علم .. صار كذا وكذا

قالت الا صدق الله يفشلك .. كلمت علي صديقتي (فيتامين واو) تقول بنتك دايخه والا سكرانه !
قضيت يوم أمس وأنا بين هم وتفكير .. آخر شي كنت اتمناه أو اطمح إليه اني اقطع درس معلمه عشان اقول : "مين غاااااااايب يابنات" والا "يله يابنااااااااااات كل وحده على فصلها"

++++++++++++++++++

وجاء اليوم الموعود :

اللي وداني الصبح أكبر عماني -الله يحفظه - وهو معروف أكبر بكاش .. يعني اذا قعدت معه أسمع وفلت ..

رحت للمكتب أولا .. ابي أوقع العقد .. ونسيت بطاقه العائلة عندهم
يوم وصلت الباب .. الا المستخدمه تناديني .. يابنت يابنت ! قلت نعم

قالت: خوذي بطاقة العائلة كانك ما تبينها .. يمكن ابوك يحتاجها أو تهمه >> تفشيله محترمه

ركبت السياره متجهه الى المصير المجهول

>> لاطشتها من قصص رجل المستحيل

وبينما انا غارقه بالتفكير ..

قطع عمي حبل افكاري وقال : اللــــــــه يالدنيا .. تذكرين يوم كنتي صغيره .. وكنت اشيلك وألعبك .. تذكرين يوم تضيعين بالبر .. وتذكرين..... الخ

عمي: تذكرين ذيك السنه اللي حجيت مع أبوك يوم كان عمرك تقريبا 4 سنوات >>

أنا: إيه أذكر

عمي: يوم أشوف أم كلثوم بصحن الحرم ! وسلمت عليها

! >>> للمعلوميه أم كلثوم ماتت قبل تولدني أمي بتسع سنوات تقريبا

عمي: اللـــــــــه يرحمك يا أم كلثوم .. هذا هو الطرب الاصيل ! فن فن

وكانت انسانه محتشمه .. تخاف الله !! موب هيفا وهبي وربعها اللي مايستحون

!
أنا: طيب (سيد مكاوي) كان فنان محتشم بعد

عمي:

وبينما انا اضحك الا يوم سمعت صوت أم كلثوووووم يدوي بالشارع

>> أثاريه عمي حن الى اسطورة الشرق

أنا: يالله صباح خير

+++++++++++++++++++++

وصلت المدرسه .. ودخلت على المديره .. وعرّفت بنفسي وعلى وجهي ابتسامه عريضه

>> أسمع بالمبدأ اللي يقول أجعل ابتسامتك طريقك إلى قلوب الاخرين

وتعرفت على شغلي
ودخلت غرفه المعلمات وسلمت وعرفت بنفسي

.. ثم باشرت عملي ..
7
7
طبعا صار اللي انا خايفه منه .. شغلي يتضمن السؤال "مين غايب يابنات"!

8
8
واكتشفت ان مصطلح تعليم الكبيرات لا يعني بالضروره الكبيرات بالسن .. لكن يشمل اللي تأخرو عن الدراسه 5-8 سنوات

قلت ابدأ بأخذ الغياب ..

دخلت اول فصل .. لقيت شكله غريب .. فيه طالبات جالسين على شكل حلقه بالارض .. ولابسين تنانير سودا وبلايز عادية

قلت ليش هذولي جالسين كذا

!!؟؟
يمكن لانهم كبيرات يحبون يدرسون وهم جالسين على الارض

طيب ليه لابسات تنوره سودا

!!؟؟
قلت اكيد الثانويه العامه يلبسون البني و ثانويه تعليم الكبيرات يلبسون التنوره السودا !>> مسويه فيها ذكية وتستنتج

وبأعلى صوت قلت : مين غاااااااااااااااااايب يابنات

ضحكوا كلهم وقالوا .. ماحد غايب

وكملت نفس السؤال على باقي الفصول .. ولاحظت أنه الفصول الباقيه عادية .. فيها كراسي وطاولات

!

رجعت مكتبي وقعدت ارصد واسوي اشغال حاسوبيه .. حتى صارت الحصه الاخيرة !

صرت أسمع أزعاج الطالبات بالاسياب والممرات .. وصراخ وضحك .. خفت أن المديره تلومني ليه ما ضبطتي الوضع

!

وطلعت بسرعه لقيتهم كلهم من بنات التنانير السودا .. قلت بأعلى صوت... بسسسسسس يابناااااااااااااات يلااااااااااااه كل وحده على فصلها لاشوف

!

ورجعت لمكتبي .. ودخلت المديره بعدي على طول .. وقالت كيف الشغل عساك مرتاحه .. قلت لا الحمد لله .. الى الان تمام

لكن ماقلتي لي وشو الزي الرسمي للطالبات .. عشان أعرف المخالفات بالزي!

قالت : عاااااااااادي مريول بني !!
قلت : طيب مين البنااااااااااااات اللي لابسين تنانير سودا

قالت : هذولي طالبات التطبيق جايين من الكليه يطبقون عندنا ..

>>> صدمه حياتي <<<

وأنا حاطه دوبي ودوبهم .. وأقول لييييييييييه كل ما أقبلت عليهم يضحكون أثاريهم يضحكون عشاني مضيعه

ههههههههههههههههههههههههههههه

وراح يومي الاول .. وأنا أطارد طالبات الكلية المسكينات ..
.
.
.

توضيح:
بند محو الامية: هو عقد توقع عليه بحيث تشتغل معهم الى نهاية العام الدراسي والسنة الجاية ينظر في أمرك! توقع معهم عقد جديد والا لا

ما يستفاد:

1) إذا نمت قفل جوالك والا حطه على الصامت فقد تحدث أمور رهيبه أثناء نومك
2) اللي ماله واسطه مثل النخله الماسطه
3) المبدأ اللي يقول (ابتسامتك طريقك الى قلوب الاخرين) موب دايما يضبط معك .. لأن احيانا يقولون عليك مهبول
4) لا تدمن على استخدام الانترنت فإن ذلك قد يتسبب لك بما لايحمد عقباهـ
.
.
.

**Eng.Suhaib** · #2 (**permalink**) 27-11-2007, 05:10 AM

ههههههههههههههههههه

حلو موضوعك يا فجر الله يعطيكي العافية الواحد عاش بالجو على الاخر والاهم ما يستفاد من الموضوع نصائح روعه
ورح اطبقها كامله

الله يعطيكي العاقية
تقبلي مروري

**M:AR:I:O** · #3 (**permalink**) 27-11-2007, 05:13 AM

موضوع رائع يافجر

تم التثبيت

ولي رجعه

**DALEMA** · #4 (**permalink**) 27-11-2007, 05:03 PM

خخخخخخخخخخخ

شـكــ وبارك الله فيك ـــرا لك ...والله يعطيك العافيه..

**Tulip** · #5 (**permalink**) 27-11-2007, 08:37 PM

السلام عليكم و الرحمة...

أولاً: مبروك عليك وظيفة "الغفلة"

الراعي الرسمي

شاي و طماط؟؟؟

الله يوفقك أختي و يعينك على الصراخ "الحريمي" مع البنات!

> ما يستفاد (طالبة مجتهدة!!

)، كانت خطوة ممتازة ذكرك إياها!

1- يومياً بعد ما أجلس من النوم و ألاحظ مكالمة فائتة؛ أبتسم إبتسامة عريضة!

الحمد لله على نعمة "الصامت" في الجوال، أحسن خاصية موجودة هي!

أنسى كل شيء و لا أنسى وضع الجوال على الصامت قبل لا أنام!

2- بكل فخر! فإني نخلة ماسطة!!

3- ما أبتسم إلا بفلوس!

4- أدمنا و أنتهى الأمر!

---

يوم لا ينسى من حياتك...

نشكرك لمشاركتنا إياه بإبتسامة...

بالتوفيق...

"سلام قولاً من رب رحيم"

**الفـ البعيد ـجر** · #6 (**permalink**) 27-11-2007, 09:52 PM

ههههههههههههههههههههههه ولازال مسلسل الاستكشاف والفضايح مستمر ..

لكني والحمد لله .. استمتعت بكل موقف صار لي .. وعلى يقين أنها بتظل ذكريات مضحكه بالنسبه لي ..

يعطيكم العافية .. على المرور وتسجيل الردود ..

الباش مهندس .. شكلك مكيف على قصتي قبل اذان الفجر .. يعني فيلم السهرهـ وكنت انا بطلة القصة

ماريو .. أنتظر رجعتك وأشكرك على التثبيت
Dalema أشكر لك ردك ومرورك ..
المانيجر توليب .. الله يبارك فيك ويحلي أيامك .. وللأسف أنا كل مرهـ أقول لازم أحط جوالي على الصامت طبعا أنسى ويصير لي مقلب أكبر من اللي قبله

ونشكر المرور المسرع على اللفه ..

شوارفسكي · #7 (**permalink**) 28-11-2007, 12:47 AM

هــــــــــلا والله وغــــــــــلا

كــــيفـــكـ يـــا عــــســـل ان شــاءالله تــــمام

وربي وربي انـــــكـ تـــســــعـــديـــــن القـــلب

الله يــســعــدكـ قلبــكـ وايـــــامــكـ دنــيا واخـــرهـ يـــاااااارب

تـــــســـــــلـمـ عــــــليـــــــكـ مــــــامـــــــا

وتــــقــــــولـــــكـ

هـــذا الحـــــلى للأحــلى فـــجـــــور ان شــــاءالله يـــعـــجــبهـا

تـــــراي انــا مــســــويتــهـ >>>>>>>كـثــري منـــها

ياحبـيييييييييييييييييييييييييييييلــكـ والله اجل مــسويــهـ عــليــهــمـ بطــلهــ

ذكــــرتنـــي لمـــــا كـــنت اطـبق عـــلى المـــتــوسط والثــــانوي

يبــيلهــمـ شـــدهـ شــــوي بس الـحمدالله طـــلعـــوا عــسسسولات

وش رايــكـ عـــنـــدي حـــل >>>>>> جتكـ ام الافكـــــار

اللي معـــاهــا جوال ســــوني اريــكسون لهــا درجــهـ ســلوكـ

بنخليهـمـ بدون ولافــلس وكل مــا كــان الجــهــاز غــالي زادت الدرجــهـ

أيـــامـ التــطبيــق لما طبــقت على المتــوسطـ

جـــتنـــا المـــراقـــبــهـ

وشــافــتنــا فـــاليــنــها قـــهــوة وحـــلا

انتي امــري بــس وش تــبغــين وقــتـهـــا

قــلنــالهــا حـــياكـ الله مــعــانــا تفــضــلي هــي تفــاجــأت

قـــالت طـــالبات كــليــهـ

قــلنــا ايــهـ

قــالت القــهـــوة واالشــاي ممــنــوعــــهـ عـــنــكمـ

ليييييييييييييهـ لو معــنــا ......... لاسمح الله

وحــدهـ من صــحبــاتي الله يــذكرهــا بالخـــير

قــالت اقــووول ترى لازمـ تــتقــهــويين

ممــنـــوعـــــهـ او مو ممــنـــــوعــــــهـ >>>>>>>خــذتهــا على قــد عــقــلـهــا

وبـــــعـــدين رحــــنـــــا للمـــديـــرة والحمـــدالله

عــدت

قــهـــاويينـــا وفـــطورنــــا مــا مــنـــعــوهــا >>>>>>>هــذا اللي نــــاقض

>>>>>>>>>>>>>خــــــــــارج النـــــص بــقـــــوووووة

بالتــــــوفيــــق يالغـــــاليــــــــهـ

والله يـــوفقــكـ ويــســــمـــح امــــركـ حبيبتي

..*..تـــــحيـــــــاتي لــــــكـ ..*..

..*.. دمــــــتي بـــــحفظ الله ورعــــايـــتــــهـ ..*..

**الفـ البعيد ـجر** · #8 (**permalink**) 28-11-2007, 06:59 AM

اقتباس:

للي معـــاهــا جوال ســــوني اريــكسون لهــا درجــهـ ســلوكـ

7
7

أهم شي لاحظي تأثيرك على ردي

شوارفسكي · #9 (**permalink**) 28-11-2007, 02:18 PM

يـــــــالبى قــــــلبــــــكـ

تـــســــــلمـــيلي يالـــغــــــاليــــــهـ

وهـــــذا الــــــحــــــلا وانا اخــــــتـــــــكـ

نــــزلتــــــهـ على المــــرفـــق

>>>>>>>> انــتبهــي للـــكــرتـــون

**الفـ البعيد ـجر** · #10 (**permalink**) 28-11-2007, 02:49 PM

شورافسكي حرام عليك ياشيخه

هذا تعذيييييييييب .. موب حلا .. والسعبول قطر

ههههههههههههههههههههه

يسلموووووو يالغلاااااااا