ممكن تساعدوني بالاختيار بين w910 و t650

[sandi]

مرحبا
بحب اقول قبل كل شي انو لفت نظري هالمنتدى وانا عبدور بالانترنت وشفته فعلا شامل من كل النواحي وغني بمواضيعه
وحبيت انتسب اله بما اني ناوية في القريب اذا الله راد اشتري موبايل من سوني أريكسون لأول مرة
و صراحة بدي ياكم تساعدوني بالاختيار بين احد هالموبايلين
w910 الأحمر
t650 الأخضر
يعني انا عاجبني موديل w910 كتير وخاصة انو سحب بس ما قاهرني غير انو كاميرته 2 ميغا وبلا فلاش كمان
في حين t650 كاميرته افضل بس شاشته كتير صغيرة وموديله حلو بس مش سحب . وكمان ازاراره في منتهى الصغر .. يا ترى عملية أثناء الكبس ؟؟؟ وانا سمعت كمان انو تصوير الفيديو سيء؟؟؟ يا ترى صحيح
يعني w910 في الفيديو أفضل ؟؟
انا كان عندي ساموسنجd600( اللي بيمتاز بجمالية صوره بس الفيديو فيه نوعا ما سيء) وسؤالي هل جودة الصور فيه مماثلة لصور w910 ??
وانا قريت هون بالمنتدى انو صوت w910 واطي نوعا ما .. معقول يكون أوطى من سامسونج d600!!!!
وكم سعر w910 حاليا ؟؟وبرأيكم بحلول العيد كام بصير سعره تقريبا ؟؟
يا ريت توجهوني لأني كتير محتارة وماني قادرة اقرر لوحدي مع العلم انو عندي كاميرا من ماركة كانون بدقة 3.2 وبتعطيني صور رائعة ودقيقة وبعتمد عليها كتير في التصوير وشكرا كتييييييير الكم وسامحوني على كتر أسئلتي

[KaToOo]

من كلامك باين انك مهتمة في الشاشة والتصوير ..... انصحكـ بـ K850 ... الصوت جيد ..ليس عالي ولكن واضح وبطاريته افضل من D600 بمراحل رغمـ فارق المواصفات

[sandi]

هلا أخي كتالوني وشكرا على سرعة ردك.. توقعت تكوت أول واحد ويا عالم يمكن تكون الوحيد
وتوقعت تنصحني بهالجهاز اللي قالبين المنتدى عليه بمزاياه ....وهو بيستاهل ما قلنا شي
بس راح اقلك رايي بصراحة فيه


الجهاز شكله قبيح جدا بذكرني بالريموت كونترول (مع انو البعض راح يزعل من هالتشبيه) بس هايدا رايي بالاضافة أنو سميك ( ثخين )ولونه اسود .. ولا تقلي في اخضر وازرق وفضي .. هالشريط الضيق من الجنب لا يغني ولا يسمن من جوع
وانا صراحة بهمني الشكل الى حد ما( ولا تعتبرها دليل سطحية ) وكمان ما بدي موبايل لونه اسود .. كان عندي سامسونج اسود وظل سنتين ونص عندي
يعني عفن قلبي من السواد الشئيم
من شان هيك أنا مترددة بين w910 وبين t650
فممكن تجوابني على أسئلتي السابقة بخصوص هالجهازين .. وشو هية عيوب ال t650
وبكون ممنونتك كتير

[KaToOo]

هلا اختي
ههههههه ضحكيتني كثييير بتشبيه الريموت كنترول ....
على العمومـ انا في رأي تاخذين W910 لأنو اكثر متعة من T650 .. لانه يحمل نظام جديد .. وحساسات للحركة ... وشاشة اكبر واحلى .... ووزنه روعة .... وكمان الw910 الاحمر اشوفو مناسب جداا ليكي ....التصوير اذا كان يهمك فقط في الشاشة ..فحيكون في W910 مقنع جدا....اما اذا كنتي تحطيها في الكمبيوتر ..ماحيكون قد المستوى
________
الt650 عيوبه ..تصويره الفيديو سيء ... المعدن يتخدش بسرعة مثل الايبود .. تظامه القديمـ ...شاشة صغيرة

[sandi]

معلشي بدك تتحملني مرة كمان اخي الكريم
أنا الصور بحطها عالكومبيوتر وكمان بطبع الواضح منها بس اجمالا قليل لأصور من موبايلي بوجود كاميرا ديجيتال ماركة كانون عندي
من شان هيك الفيديو بالنسبة الي أهم من أجل تصوير لحظات حلوة فجائية
وسؤالي هل تصوير الفيديو ب w910 جيد أفضل من t650 وk770....ما مدى جودته ؟؟ واذا عندك فكرة عن تصوير الفيديو ب سامسونج d600 ممكن تقارني فيه .. لأنو كان سيء عكس صوره ...فاذا كان الفيديو ب w910 احسن من d600 او نوكيا e65 راح اتخذ قراري فورا واشتري w910
وسؤال أخير . برايك في احتمال يوصل سعر w910 لل1700 بحلول العيد الكبير ( ما راح اقدر استنى اكتر من هيك ) ولا عشم ابليس بالجنة؟؟ هههههههه
ها تذكرت كمان شو هاي ايبود( سامحنا على جهلنا ) .. انا جربت t650 وحسيت انو شفاف اللون الأخضر في احد المناطق كأنو طبقة الدهان رقيقة ( تشبيه مجازي ) البياع قلي طبيعي وحاول المستحيل من شان يقنعني أشتريه بس على مين
وشكرا الك كتير على رحابة صدرك

[sl65]

أختي ساندي
نصيحه
خذي سامسونج الجديدg600
فهو يمتلك مواصفات k850&w910
مجتمعين
أنا أمتلك w910
صدقيني جهاز سيئ جداً لدرجة
إن w800 القديم أفضل منه
وهاذي نصيحه من أخ لأخته وماراح تندمي

[sandi]

شو صار فيك كتالوووووووووووني !!!
وين غطيت!!!
لسه من شوي كنا عمنمدحك على سرعة ردك ولا بس هاي بتكون بس أول مرة
انت الحق عليك .. لو كنت جاوبتني على اسئلتي الموجودة باول مشاركةوما جاوبت بالتقسيط كنت خلصت مني وحليت عنك
وهلأ شو الحل ؟؟؟

شكرا لك اخي sl65
صراحة رحت شفت الجهاز عالنت ولقيته حلو بس ناقصه الجيل الثالث ومافي منو غير لون اسود
وانا كان عندي سامسونج d600 وحابة اغير الشركة من باب التنويع
لأنو طفشت من اللون الاسود والبطارية اللي ما تطول معي يوم ونص!!
عموما منفكر وشكرا الك على مرورك

[sandi]

امممممممم اجازة
شو عليه منستنى .. الجهاز ما راح يطير بس سعره هو الطاير

[northstar2002]

السلام عليكم ياجماعه انا ودي اشتري السوني اركسون T560 i ويش العيوب وبعدين يقولو انه كثرة استخدامه يسبب سرطان لان الموجات والذبذبات عاليه في الاريكسون هل هذا الكلام صحيح خصوصا انا اتكلم بالجوال لفترات طويله