تجربتى مع الرائع P1i بعد 48 ساعة وتجربة تحديث السوفت ووير

Wolfrine · #1 (**permalink**) 03-12-2007, 11:02 AM

اخوانى الكرام انقل اليكم تجربتى مع الجهاز P1i

ولكن اولا لازم اتاسف لانى مضطر للاطاله

اولا كانت المقارنة بين ذلك الجهاز ونوكيا N95 8Gb ولكنى توصلت ان اجهزة النوكيا ليس بها جديد من حيث طريقة الاستخدام او السوفت ووير للمستخدم بمعنى من لديه جهاز 6600 يستطيع الانتقال مباشرة الى N95 بدون مشاكل كثيرة
ولكنى وبعد دراسه متأنيه فى كل المواقع ( هنا بالمنتدى

- Gsmarena - Mobile Review ) وغيرهم وجدت ان هناك اختلاف نوعى بين ذلك الجهاز والاجهزة السابقة لسونى اريكسون
علما بأن جهاز السونى السابق K800i الرائع كما يقول الجميع ومنهم انا ولكن تلك الروعه كلفتنى الجهاز ( اديته لاخويا

)
المهم شريت الجهاز ال P1i كيبورد عربى بضمان اكسيوم - مصر
قمت بعمل مزامنه بينه وبين الاوت لوك لنقل جهات الاتصال - دون مشاكل نهائى
تانى يوم عملت باك اب بعد نقل كميه من الاغانى وكام برنامج كده على الماشى وثيمات

ولما كنت قد قرأت عن ان التحديث الاخير يزيد من سرعة الجهاز ويعطى بعض المزايا الإضافيه ( برغم بعض المشاكل التى ذكرها الزملاء ومنها ضياع العربى ) قررت خوض التجربه وتحديث الموبيل وكانت كما يلى :-
1- نزلت برنامج التحديث وتسطيبه على الكمبيوتر
2- تشغيل البرنامج واتباع التعليمات التاليه او التى يذكرها البرنامج
أ- اطفاء الجهاز ونزع البطاريه.
ب- نزع كرت السيم حسب نصيحة الاخوة هنا بالمنتدى.
ج- إعادة تر كيب البطارية.
د- الضغظ على زرار ال c كما يذكر البرنامج او رقم 7 سواء لاصحاب الكيبورد العربى او الانجليزى وعدم ترك هذا الزرار ابدا لاى سبب حتى انتهاء التحديث.
ه - توصيل كبل USB.
3- بعد توصيل الكبل ينتظر البرنامج حوالى دقيقة ثم يقوم بالكشف على الجهاز ( اوعى تسيب زرار رقم 7 وإلا رجعت من الاول )
4- يبدأ البرنامج بتحميل التحديث من الموقع وهى العمليه الاطول وذلك تبعا لسرعة النت لديك ( معى حوالى نص ساعة ) "" اوعى تسيب زرار رقم 7 وإلا رجعت من الاول "".
5-بدأ البرنامج بتحميل التحديث بعد انتهاء التحميل على الموبيل ( تقريبا من 15 الى 20 دقيقة ) "" اوعى تسيب زرار رقم 7 وإلا رجعت من الاول ""
5- فصل الكبل وإعادة فصل البطارية ووضع السيم كارد وتشغيل الجهاز

بعد ذلك لاحظت فى البدايه عن السؤال عن لغة البدء ( English UK - اللغة العربية

)
مما يعنى ان الجهاز معرب كاملا من المصنع ولا توجد اى مشاكل فى التعريب كما ذكر الزملاء من اختفاء القوائم العربية ( زى اجهزة النوكيا لما تحدثها من الموقع برضة لو هى معربة من المصنع مفيش مشكلة ولكن لو التعريب من محل او وكيل بتضيع الدنيا )
المهم الجهاز اشتغل كأنه لسه جاى من المحل بس سرعة التحميل وفتح القوائم اصبحت خياليه او سريعه جدا لما الحظها الا فى اجهزة النوكيا سيمبيان 40 ( 6233 او 6280 )

كل شيئ ما فيه مشكله طبعا لسه مجربتش كله
المشكله لما جيت اعمل مزامنه جديدة مع الاوت لوك ( طبعا لان الدنيا اتمسحت ) فشل فى عمل المزامنه ( موش عارف ليه رغم التكرار حوالى 5 مرات مع اعاده تشغيل الموبيل كذا مرة وكنى حكتشفها )

فقمت بعمل Restore لكل شئ وانا سايب ايدى
يعنى دوس على Restore وسيب الدنيا وقوم اعملك كبايه شاى واشربلك سيجارتين فى البلكونه ( الدنيا برد

) وارجع تلاقى كل حجاتك موجوده

كده انا قلت تقريبا كل حاجة
ممل انا عارف
بس كان لازم حتى يستفيد الاخوة

واى استفسار انا موجود معاكوا

شكر خاص لاخى ABDO

CyberShot · #2 (**permalink**) 03-12-2007, 11:27 AM

مبروك عليك p1i

جهاز اكثر من رائع وانا كان عندي هالجهاز ..

Wolfrine · #3 (**permalink**) 03-12-2007, 11:35 AM

اقتباس:

المشاركة الأصلية كتبت بواسطة duncan_blue

مبروك عليك p1i

جهاز اكثر من رائع وانا كان عندي هالجهاز ..

اشكرك على رد ومباركتك

matoz2020 · #4 (**permalink**) 03-12-2007, 11:39 AM

مبروك وشكرا بس ممكن سعر الجهاز ومكان الشراء

Wolfrine · #5 (**permalink**) 03-12-2007, 11:57 AM

اقتباس:

المشاركة الأصلية كتبت بواسطة matoz2020

مبروك وشكرا بس ممكن سعر الجهاز ومكان الشراء

فى مصر - أسكندرية
فى المحلات الخارجيه كالشناوى الجهاز بكيبورد انجليزى " لم افضله " 3390جنيه مصرى
فى محلات سلكت " Select " كيبورد عربى 3600 جنيه مصرى
فى محلات اكسيوم - مصر - كيبورد عربى بالضمان " طبعا ضمان اكسيوم " - 3650 جنيه مصرى " اشتريت من عندهم "

محتويات العلبه:-
1- الموبيل.
2- كارت ميمورى Mini M2 512 MB
3- سماعة وير ستريو
4- حامل مكتب " ممكن توصل فيه الشاحن ، كبل توصيل الكمبيوتر USB ، سماعة الستريو كله مع بعض فى نفس الوقت "
5- قلم الكترونى اضافى.
6- جراب قطيفة " افشل قطعة بالعلبه " وجهة نظرى "
7- كابل توصيل الكمبيوتر USB .
8- شاحن سريع.
9- سماعة بلوتوث Sonyericsson أصلى " ثمنها لا يقل عن 450 جنيه "

محمد ميدو · #6 (**permalink**) 03-12-2007, 12:14 PM

ألف مبروك .. لقد سعدت بهذا الخبر

matoz2020 · #7 (**permalink**) 03-12-2007, 01:46 PM

شكرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررر
بس الاثمن مش غالي شوي متعرفش التمن من المحلات الغير علمي حيكون اقل كام و سوال تاني سماعة البلتوث في العلبة و لا انا شفت رفيو لعلبة الp1i مفهوش سماعة بلتوث
YouTube - Sony Ericsson P1i Unboxing

**A B D O** · #8 (**permalink**) 03-12-2007, 02:45 PM

العفو اخي انا ماعملت شي..

يعني المفروض ايدك انتفخت ورحت المستشفى بعد مابقيت حوالي الساعة وانت ضاغط الزر 7

على فكرة في الخطوات 4 و 5 الي ذكرتهم مافي داعي تكون ضاغط الزر, حتى لو ماطلعت رسالة تخبرك بترك الزر تقدر تشيل ايدك بعد ما يبدأ العداد يمشي شوي في خطوة 4

الف مبروك عليك الجهاز والتحديث والتعريب.. يتربو بعزك

Sony-Ericsson-Qatar · #9 (**permalink**) 03-12-2007, 02:50 PM

ياخوي شجعتني انا حاط في بالي اخذه بس
ما ادري عن سعره عندنا اذا زين ولا لا
2215 ريال للكيبورد الانجليزي
والدولار = 3.65 ريال قطري

لحد الان ماخذت جوله لمحلات الجوال الصغار حتى اشوف الاسعار عندهم
ومفكر عالويكند الجاي اخذ لفه

Wolfrine · #10 (**permalink**) 03-12-2007, 03:58 PM

اقتباس:

المشاركة الأصلية كتبت بواسطة matoz2020

شكرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررر
بس الاثمن مش غالي شوي متعرفش التمن من المحلات الغير علمي حيكون اقل كام و سوال تاني سماعة البلتوث في العلبة و لا انا شفت رفيو لعلبة الp1i مفهوش سماعة بلتوث
YouTube - Sony Ericsson P1i Unboxing

لا شكر على واجب
الاسعار دى اللى ذكرتها هى اللى وجدتها بالسوق كله

فعلا الريفيو لا يذكر السماعه البلوتوث

Wolfrine · #11 (**permalink**) 03-12-2007, 04:06 PM

اقتباس:

المشاركة الأصلية كتبت بواسطة matoz2020

شكرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررر
بس الاثمن مش غالي شوي متعرفش التمن من المحلات الغير علمي حيكون اقل كام و سوال تاني سماعة البلتوث في العلبة و لا انا شفت رفيو لعلبة الp1i مفهوش سماعة بلتوث
YouTube - Sony Ericsson P1i Unboxing

اقتباس:

المشاركة الأصلية كتبت بواسطة A B D O

العفو اخي انا ماعملت شي..

يعني المفروض ايدك انتفخت ورحت المستشفى بعد مابقيت حوالي الساعة وانت ضاغط الزر 7

على فكرة في الخطوات 4 و 5 الي ذكرتهم مافي داعي تكون ضاغط الزر, حتى لو ماطلعت رسالة تخبرك بترك الزر تقدر تشيل ايدك بعد ما يبدأ العداد يمشي شوي في خطوة 4

الف مبروك عليك الجهاز والتحديث والتعريب.. يتربو بعزك

العفو اخى ولكنى مصر على مساعدتك لايجاد ذلك البرنامج

بصراحة ايدى نملت بس الحمد لله مشى الحال

ميرسى على مباركتك

Wolfrine · #12 (**permalink**) 03-12-2007, 04:10 PM

اقتباس:

المشاركة الأصلية كتبت بواسطة Sony-Ericsson-Qatar

ياخوي شجعتني انا حاط في بالي اخذه بس
ما ادري عن سعره عندنا اذا زين ولا لا
2215 ريال للكيبورد الانجليزي
والدولار = 3.65 ريال قطري

لحد الان ماخذت جوله لمحلات الجوال الصغار حتى اشوف الاسعار عندهم
ومفكر عالويكند الجاي اخذ لفه

طبعا اشجعك لانه جهاز ممتاز انا عموما بغير جهاز كل 6 -7 شهور بس اعتقد انه حيطول معايا عن كده

وفرحنى اذا اشتريت

تريب · #13 (**permalink**) 03-12-2007, 04:16 PM

أنا أخذته من جدة جديد بضمان اكسيوم
بـ 1960 ريال سعودي فقط ..

Wolfrine · #14 (**permalink**) 03-12-2007, 04:43 PM

اقتباس:

المشاركة الأصلية كتبت بواسطة تريب

أنا أخذته من جدة جديد بضمان اكسيوم
بـ 1960 ريال سعودي فقط ..

مبروك عليك
خصوصا السعر اقل من عندنا فى مصر

romiu100 · #15 (**permalink**) 05-12-2007, 02:24 AM

الغالي wolfrine انا من مصر ممكن مساعدتك ليه في الجهاز بتاعي من فضلك ده رقم موبايلي يا ريت تبعتلي رساله برقمك وانا هكلمك علشان محتاج منك شويه استفسارات

*تم حذف رقم الهاتف لمخالفته قوانين المنتدى*
يمكنك مراسلة العضو عبر الرسائل الخاصة وطلب رقم هاتفه

تجربتى مع الرائع P1i بعد 48 ساعة وتجربة تحديث السوفت ووير

قسم مشاكل و أسئلة و استفسارات الأجهزة بنظام Symbian UIQ