نقاط ...تبي جواب ؟

[qaz]

سلام الله عليكم ورحمته وبركاته
صبحهم بالخير او مسهم بالخير ( حسب التوقيت المحلي ) توقيتا بلوتو
اولاآ اشكركم على هذا الجهد العظيم اللي تبذلونه في هالمنتدى الله يوفقكم
وحيث أني جديد في عالم سوني نزلت الموضوع علشان نقاط ودي اعرفها بسوني
1- عندي أرقام مسجلهم على الجهاز بمستند ودي انقلها لجهازي كيف يتم ذلك ؟
2- هل استطيع وضع نغمة للمجموعة ككل ؟
3- الرسائل حينما اريد ارسال رساله يذهب بي لأدخل الرقم ويظهر هناك خيارين اكتب الرقم ، او اختر الرقم من الدليل . هنا كل شيء تمام ( النقطة هي ) اجد ارقام من ارسلت لهم من قبل من ضمن الخيارات مدري استطيع ازالتها أو لا ؟ ( أقصد هل هناك خيار اطلب منه عدم حفظ ارقام الرسائل المرسله ؟
4 - اقدر احفظ الرسائل الواردة بدون رقم المرسل ؟
5- يوجد ضمن الخيارات في التحكم الصوتي نطق اسم المتصل كيف اجعلها تعمل جربتها كذا مره وا ضبطت ؟
6 - دليل الهاتف يظهر الأسم والرقم هل فيه امكانية لإظهار الاسم فقط ؟
7 - نسخت ارقام التي في الشريحة في الميموري طيب اقدر اشوف الارقام اذا وصلت الكيبل عشان اضيف الارقام اللي عندي ؟ اقدر اعدل فيها بالأوتولوك ؟
8 - خشيت على خدمة التحديث وجدت الرقم التالي للأصدار ( cxc1250210 R1ED001060831 ) هل هذا آخر اصدار .؟
9 - هل يوجد برنامج لقفل الجهاز - أو - لتقفيل المجلدات ويكون سهل لأن البرنام اللي حصلته بالمنتدى يقفل المجلد بعدين ما تقدر تضيف إلا إذا أنا ما عرفت للبرنامج زين ؟
10 - كيف ارسل تكست للجوال ومن ثم احوله لرساله نصيه وارسله علماً بأني جربت الطريقه اللي قالو ا عنها هنا ما ضبطت فيا ليت شوي ؟
----------
تسلمون وما قصرتوا على سعة صدوركم يا مشرفين وربي يجزاكم كل خير
إقتراح صغنون هو ياليت إذا بتنزلون برنامج للسوني او شيء يوضع شوي تعريف للبرنامج
و على اي جهاز يعمل مع شرح بسيط للمزايا وكيف تستخدمه إن حصل بالصور لأن هذا بيفيد كثيرين من الجدد زي حالتي في عالم سوني اللي كل يوم يتميز عن اللي قبله
ولجل كذا لزوم نواكب هالتطور في تبسيط المعرفه وإيصال التقنية للكل بأسرع وقت

شكراً ومع السلامة بدنا

[qaz]

سلا م الله عليكم
وين يالربع فزعتكم ما حصلنا جواب ننتظركم
عندي نقطه جديده :
1- بالنسبة لموجود اقدر استخدم الرقم اللي فيها وذلك بأن اختار تفاصيل وادق الرقم من نفس الرساله او لازم ادقه ارقام لأن الجوالات الثانيه تقدر تدق الرقم من موجود على طول تختاره وتدق

[أسد الجزيرة]

عليكم السلام ورحمة الله وبركاتة

ياهلا اخوي qaz

في البدايه ماهو نوع جهازك ؟؟ لكي يتم الرد عليك من قبل الخبراء

وأغلب النقاط التي ذكرتها تستطيع عملها وموجوده في المنتدى بقسم الاكتشافات أو المشاكل والحلول

أما النقطه الأولى من الشق الثاني فلم أفهم ماالذي تقصده بالضبط .

[qaz]

مشكور والله وربي يعطيك العافيه
جوالي هو (k800i)
اخوي العزيز قبل ما اكتب الموضوع مريت كل المواضيع صفحه صفح لمدة 2 يومين
وحملت برنامج القفل وبعض الاشياء بس مثلاُ ( القفل يقفل كل المجلد مقدر اضيف عليه شيء بعدين ، ولما ابي احفظ شيء مقدر اوديه للمجلد المقفول لازم اسوي مجلد جديد واقفله بكذا بيكون عندي اكثر من مجلد مقفل ) مدري او انا ما عرفت استخدمه

أخوي اسد : مشكور وحياك ربي والله
إذا تقصد السؤال بخصوص موجود النقطه اللي ابيها هي :
لما يجيني مو جود وافتحه هل اقدر من خلال الرساله ادق الرفم على طول زي الجوالات الثانيه ؟ زي مثلاً الرسائل العادية اللي تجيك تقدر لما تفتح الرساله تسوي تفاصيل يطلع لك رقم المرسل وتسوي اتصال للرقم وضحت الفكره

وبالنسبة للنقاط اللي تقول بالموقع انا درت القسم اللي تقول ولقيت اشياء وجهد رائع
مشكورين عليه وزي ما قلت ياليت يكون فيه توضيح للبرامج للناس الجدد
تحياتي لكم