شرح طريقة تنظيم ألبومات الووكمان

[ابن غشام]

موضوع الاخت

الفـ البعيد ـجر
مشرفة قسم ثيمات أجهزة Symbian UIQ

بسم الله الرحمن الرحيم

ووكماني وجوالك حوسه!! واعيبااااه .. مايصير >> شعار الحملة




السلام عليكم ورحمة الله وبركاته ,,

أولا أعتذر عن قلة مشاركاتي في الآونة الأخيرة وذلك بسبب إنني أخاف العين >> أقول تلايطي بس

وحيث أنني نظمت ووكماني مؤخرا .. فقررت أسوي كم برنت سكرين وأحط الطريقة عشان تخدم اللي من جنبها وما وده يبحث لأن مثل ما قالوا: "على دربك شل حطبه"

ثم أنه مع إطلاق w960 لوجه الحرية شجعني أكثر .. عشان يختبون معنا الأخوان

ما علينا .. نجي للمهم ..

إنني بريئتن إلى الله من أي استخدام يؤدي لسخط الله من تحميل الأغاني الماجنة والصور الخليعة >> وش جااااااااااااب!
فهي مدعاتن لكسب الذنوب والآثام وباب الابتعاد عن كلام الله ولما جاء فيها من حرمتن قااااااااطعة >>ماصارت! تبي تخطب الجمعة

.. نخش بصلب الموضوع ..

عشان تنظم ووكمانك .. الأمر هين ويعتمد على رايت كليك .. لكن يحتاج طولة بال يعني باختصار شغلتن فاضيه! لكن النتيجة بالأخير تعجب قلبك >> عجّازه هالبنت


1) نحتاج برنامج يكتب حقوق المقطع .. وهي كثير ولله الحمد لكن الأشهر منها الحبيب jet audio أو صاحبنا iTunes وهو اللي نبي نشرح عليه

بالواقع هو خاص بشركه أبل وصنعت هالبرنامج عشان الإخوان iPhone & iPod ..

لنفس الغرض اللي نبي نستعمله حنا لكن بتصرف >> ياناس أموت وأعرف وش سنع الـ i اللي تلفزه أبل بكل منتج !

تحميل iTunes من هنــــــا => لا تخاف البرنامج بإصداره الأخير 7.5 كامل ومجاني ما يحتاج كراك ولا تفعيل

2) تحتاج برنامج Disc2Phone وهذا موجود في علبة جوالك الووكماني تلاقيه مع البرامج.. هو خفيف دم ويسهلها عليك .. لكن تقدر تستغني عنه

واللي مضيع القرص ويبي يحمل البرنامج من هنـــــــا

3) لازم تكون مقاطعك بامتداد mp3 ومشتقاتها أما مشتقات الريل بلاير حولها ياعمي


الحركة الأولى اختر المقطع الأول اللي تبي تخليه ضمن ألبوم .. وبنقره يمنى خفيفة على الفأرة نختار فتح باستخدام iTunes



طبعا بيشتغل المقطع .. أوضح وأسهل لنا نبي نختار طريقة العرض الثانية عشان نشوف تطورات العمل .. ونضغط مره ثانيه رايت كليك على المقطع ونختار Get info

في تبويب info نكتب
1) اسم القارئ
2) اسم الألبوم وهالخاصيتين لازم تكتبها بنفس التهجئة لكل مقاطع الألبوم الواحد عشان يجمعهم لك مع بعض
3) تحدد نوع المقطع هو جاز وإلا ديزل وإلا كيروسين وهذي مش مهمة ممكن تغيرها من الجوال بعدين
4) رقم التراك هو المسئول عن ترتيب المقاطع بالألبوم .. فأنت إذا تحب الألبوم يبدأ بسورة يوسف مثلا تحط التراك رقمه 1 وبالترتيب .. خلي نهاية التراك بخانه of فارغ عشان ما يتسبب لك مشاكل أثناء التشغيل بوضع All في ووكمان الجوال
5) لو حبيت تضيف السنة في خانة year .. أو سواليفك حول المقطع في خانة Comments فلا بأس في ذلك >> أفتت لكم

في تبويب Artwork هنا عاد تقدر تحدد صورة القارئ >> طيب طيب..على مهلك لا تدف أدري أنك تبي ذي
بس تراي أنصح بوضع صورة مربعة 100×100 مثلا

ونكرر الخطوات مع كل مقاطع الألبوم الواحد وما ننسى
1) نفس التهجئة للقارئ والألبوم ..
2) تغيير التراك في كل مرة ..
3) بالنسبة للصورة .. لو أضفت صورة للمقطع الأول (سورة يوسف) مثلا فهي تكفي عشان تظهر في تقسيم الألبومات .. ولما أشغل سورة يوسف بتطلع لي نفس الصورة بمشغل الووكمان .. لكن لما أشغل (سورة فصلت) ما راح تطلع .. عشان كذا تحتاج تضيف الصورة في كل مقطع

لاحظ أنهم صاروا 4 مقاطع في ألبوم واحد مع أني محمله كل مقطع من موقع مختلف ..ولو عيا يجمعهم مع بعض أعرف إن فيه خطأ بالتهجئة


والحين أنت رتبت ملفاتك بشكل منظم -الأخوان الفيستاويين أو اللي حاطين ثيمات الفيستا على كمبيوتراتهم بيلاحظون الفرق على شكل المجلدات-

-----------------------------
نجي لنقل الملفات لجوالك .. غالبا نستخدم النقل العادي بالبلوتوث أو تصفح الجوال بنسخ ولصق

وهذي طريقه ثالثة باستخدام Disc2Phone وهي طريقه سهلة ..
1) وصل جوالك بالكمبيوتر بوصله USB واختر نوع التوصيل Fast File Transfer
2) حدد ملف أو مجلد
3) زر Add
4) زر Transfer لنقل الملفات للجوال - بهالمرحلة لا تفصل جوالك حتى ينتهي النقل -

أما عاد إذا إنك إنسان قانوني .. وما تحمّل من النت وماسكه معك إلا تشتري سيديات >> أمحق من يسويها
فما تحتاج كل الكلام اللي فوق .. تلاقي التراكات منظمة والمعلومات والصور كلها مضافة .. بس تفتح Disc2Phone واختار Audio CD ثم كدّس بجوالك


والنتيجة:





وهذا الشرح في ملف وورد .. للي حاب يحتفظ فيه

طبعا البرنامج له إمكانيات ثانيه حلوهـ لكن بالنسبه لنا هذا أهم شي

وانا اعتمدت الإسهاب بشرح النقاط عشان اللي مايعرف انجليزي مايلقاها علثه

وأتمنى أكون وفقت بالشرح ونفعتكم بشي لو كان بسيط

(إن أصبت فمِن الله وإن أخطأت فمن نفسي والشيطان)

أختكـ الفجر البعيد ..

[/color]

يتبع

kataloony
مشرف قسم آخر أخبار و منتجات وتقارير سوني اريكسون

تسلم اختي يانور المنتدى^_^
______________________
انا عندي شرح ...اشوفه اسهل... ويمكنك بكل سهولة ان تضع صورة لعشرات الاغاني دفعة واحدة
...عن اذن فجروتنا الغالية هذا شرحي :
------------------
نصيحة / اللي مايملك جهاز ايبود ... يمسح برنامج iTunes من الكمبيوتر ... لأنو مشغل فاشل بكل المقاييس
______________
______________
الخطوات : ( اضغط على الصورة لتكبيرها )
1
تحميل مشغل الميديا الشهير .. Jet Audio من الرابط
Download jetAudio 7.0.5 Basic - filehippo.com
----
2
حدد على الاغاني ... ومن ثم قم بالضغط كليك يمين بالماوس ... ثم Jet audi ... ثم Edit tag >> كما هو موضح بالصورة
--

____
3
اتبع الخطوات رقميا في الصورة الموضحة لكي تملي بيانات المقطع
---

____
4
لاختيار الصورة اتبع الخطوات هنا
---

_____
5
اخر خطوة ^_^
---

____
____
مقطع فيديو على السريع 26 ثانية ..يبين مافعلت ^_^
حمل رابط مباشر ضغطو واحدة
هنا
----

اعذروني اذا كان الشرح تعبان ... لأني سويته على استعجال ^_^

اي استفسار اضغط هنا