السلام عليكم والرحمه

كيفكم شباب عساكم طيبين

عندي مشكله غريبه عجيبه في جهازي p990i

المشكله هيه ان المسجات الي توصلني تكون ملخبطه
يعني لو في شخص راسل مسج قبل ساعه والحين رسل مسج
يلخبط المسجات ويدخل مسج في المسج الثاني

يعني مثلا قبل ساعه شخص راسل لي :
كيف الحال
عساك بخير

في المسج الثاني كاتب لي :
وينك اليوم
ماحد شافك

لما استقبل المسجات
تجيني بهالشكل :
وينك اليوم
عساك بخير

بس هذا توضيح انه يلخبط المسجات الي عندي
يعني المسج الواحد عندي استقبله يحتوي على مسجين بس مكس !!

ما اعرف لو فهمتو السالفه والمشكله

عملت له احدث سوفت وير

بس بدون فايده !!

ايش المشكله وايش العمل فيها ؟

وجزاكم الله الف خير

**ابن غشام** · 30-01-2008, 02:31 PM

جرب اخوي انت ترسل لنفسك... رساله تحتوي على اكثر من 100 حرف..

وشف هل المشكله تقسيم الرسائل موجوده..

وشي ثاني هل تصير مع اشخاص معينين او مع الكل..

.............................

من المحتمل يكون تكرار حفظ الاسم في الشريحه والجهاز له دخل..!!!

**وحش السامبا** · 31-01-2008, 12:14 AM

تسلم اخوي للرد
المشكله للحين لاحظتها صادفتني لشخص واحد
هي المشكله ما تصادفني لما يكون المسج صفحه وحده
المشكله تصادفني لما يكون المسج يحتوي على اكثر من صفحه
صفحتين واكثر
المسج يكون ترتيبه ما في قائمة المسجات يكون في النص
ويتلخبط كل شي في المسج !!

المشكله بصراحه عذبتني
ما اعرف وين سبب المشكله بالضبط
وياريت تقدرو تساعدوني

**الفـ البعيد ـجر** · 31-01-2008, 03:29 AM

أتمنى يكون جوالك ما تعرض لمجال كهربائي أو مغناطيسي شديد (مثلا تحطه تحت مكيف شغال أو جنب منظم كهرباء أو أي جهاز والطيته عالية)

هذا الشي ممكن يؤثر على مغنطة البيانات ومسح أو تداخل المعلومات

**وحش السامبا** · 31-01-2008, 01:42 PM

لا اخوي ما عرضته لأي نوع من انواع التيار
انا خطر في بالي ان المشكله يمكن تكون من الميموري كارد
مع انها شغاله 100% وما فيها اية مشاكل

ياريت تفيدوني
او ايش رايكم كيف اتصرف
ارجعه للوكيل
بس ايش ببقولهم بالضبط !!

**ابن غشام** · 31-01-2008, 03:24 PM

المشكله للحين لاحظتها صادفتني لشخص واحد

امسح رقم صاحبك الي تصير معها المشكله

من الجهاز وجرب...

**nooor14** · 01-02-2008, 04:53 PM

صادتني هالمشكلة في تلفوني القبلي w800
عقب فترة من استلام المسجات اشوفها تتداخل ..
صادني هالشي يمكن مرتين او 3 ..
وماعرفت شنو السبب :d

**وحش السامبا** · 02-02-2008, 07:13 PM

اخذت تلفوني من امس وحطيته عند الوكيل
خبرتهم المشكله
ما اعرف لو فهموني
خبرتهم المشكله بالانجليزي والعربي وبس كان باقي بالهندي !
قالولي بنعملك سوفت وير جديد
قلتلهم عملتله ووريتهم الاصدار
قالو صحيح هذا الاصدار النهائي
قالو تمام خلاص فهمنا المشكله وبنحلها خلال يومين
لما عطوني الايصال قريته وحصلت مكتوب عليه software problem !
الله يستر بالنتيجه
ولو ما انحلت ايش رايكم اعمل ؟

**R-B** · 02-02-2008, 07:50 PM

طول بالك وننتظر الحل ان شاء الله

**النشمي$** · 02-02-2008, 11:48 PM

قالو تمام خلاص فهمنا المشكله وبنحلها خلال يومين

بكل بساطة بيعملوا لك فورمات للجهاز أو يعيدوا التحديث
ماأعتقد إنهم راحوا يعملوا لك أكثر من كذي

ننتظر...

**وحش السامبا** · 06-02-2008, 01:03 AM

رجعت التلفون وبنفس اليوم حصلت ان المشكله ما زالت معي ما تحسنت
ما اعرف لو المشكله تجي لو شخص معين رسل لي او لعدة اشخاص
لانها ما تجيني في كل مسج طويل
تقريبا تصيبني من بين 5 مسجات طويله 3 منهم ملخبطين

ايش رايكم اسوي الحين ؟؟