مشكلتي مع الوايرلس في w960i

[بوهمره]

اخواني اعضاء المنتدى الكرام .... الله لايحرمكم أجر تفرغكم لحل مشاكلنا واستفساراتنا

أدري طلبي ثقييييل .. بس والله سامحوني .. لاني حاولت وايد وجربت كل الخطوات
وفتشت في كل الاقسام عن حل لنفس مشكلتي .. بس مالقيت حل واضح

ممكن الخطوات مع الشرح لتشغيل الواير لس في w960i
مع العلم اني عملت 3 حسابات وبعد ماعرفت اشغلها
وهل الموضوع متعلق بالتحديث او يمكن في اعدادات في الامارات انا ما اعرفها


وطلب اصغيير بعد في ميزان حسناتكم
نزلت برامج والعاب مكتوب انها للw960i ولاكن ماشتغلت عندي بعضها تفتح بصيغة
الجافا وتتوقف والبعض من الملفات عليه علامة استفهام والمشكله انها تتخزن مع
أيقونات الادوات وما تنمسح

وما اوصيكم بكم لعبه حلوه مااااال ادمان
وكم برنامج على ذوقك ياالنشمي


حبييبي والله

[abaq]

بالنسبة لي تشتغل الخدمة عادي بس لازم يكون جنبك اتصال لا سلكي شغال وادخل لها من الأيقونه اللي جنب الشبكة بعدين اتصالات>>الشبكة المحلية الاسلكية>>>المزيد>>>تفعيل Wlan >>مسح >> راح تطلع لك انواع من الشبكات اللي عليها نجمة صفراء تكون هي شغالة معاك اما اللي عليها قفل فهاذي مقفلة برقم سري بعد ماتطلع لك الشبكات اختار منها اللي جودة الشبكة عالية سوي اتصال وبعدين تشتغل معاك ان شاء الله راح تطلع ايقونة الشبكة اللاسلكية شغالة

ان شاء الله اكون افدتك


والأشياء الثانية ان شاء الله يساعدونك فيها باقي الأعضاء

[بوهمره]

شـكــ وبارك الله فيك ـــرا لك ... لك مني أجمل تحية .

اخوي abaq سويت الخطوات بالترتيب يكتبلي في الجهاز تعثر العثور على الشبكه

مع اني جالس امام الكمبيوتر ومشغل الشامل ....

بس اخوي لو مسك الهاتف اي شبكه شو هي الخطوات الي لازم اسويها ... لانه واحد

قال لي انه لازم اعمل حساب .. واحفظ الحساب في حسابات الانترنت بالهاتف

شو رايك ؟؟؟

[abaq]

في اي خطوة تطلع لك تعثر العثور على شبكة ؟؟

وهل جهازك ( المودم ) في ضوء walan شغال؟؟اما اذا كان مو شغال يبغالك تدخل على اعدادات المودم وتحط عالـ walan

اذا كان شغال راح يطلع لك في الجوال بعد ما تسوي مسح اسم المودم حط المؤشر عليه وسوي اتصال راح تطلع لك ايقونةبالجوال فوق جنب الشبكة كرة زرقه اذا طلعت معناها انها شغالة الخدمة

بالنسبة للحساب والله انا عندي بالجهاز ما سويت حسابات او اي شي

[abaq]

ممكن سؤال هل الإتصال المرئي شغال عندك لأنها مو راضية تشتغل عندي مع ان الإعدادات كاملة

[بوهمره]

الحمدلله والصلاة والسلام على رسول الله وعلى آله وصحبه أجمعين

شكرا abaq على التوضيح والرد .. واسمح لي شكلي باخذ من وقتك وبأذيك بالاسئله

سويت مسح وطلعت لي الشبكات واخترت الي عليها نجمه .. كتب لي متصل

لاكن شو الخطوه الي بعدها ؟؟

واعدادات المودم وين احصلها ؟؟

defaultwifiaccont الي في حسابات
الانترنت .. كلمت شخص في خدمة السوني اركسون في دبي 043919880
وقال لي لازم تضع الحساب المذكور اعلاه في حساب المجموعات في خانة حساب
الانترنت .. ثم تضع علامة صح على المربع للحساب المذكور ويكون رقم 1 في اولوية الاتصال .. علشان لما تتصل بالانترنت عن طريق الواير لس يكون مجاني ..

وفي حالة اتصالك بالانترنت بدون الخطوات المذكوره حتى لو بالوايرلس يحسب الفاتوره عليك ... هل هذا الكلام صحييييييح ؟؟؟؟

وبالنسبه لاتصال الفيديو ما جربته للحين .. بس هل عملت اشتراك في الاتصالات؟؟

[abaq]

بالنسبة الحساب اللي ذكرته هو موجودة عندي في حساب الإنترنت وعليه علامة صح بس انه يكون الإتصال بالنت محسوب بالفاتوره اذا ما سوينا هالطريقه والله ما ادري ؟؟

بس مدام انه متصل خلاص تقدر تدخل عالنت بس ايقونه اشارة البلوتوث اللي بالجوال لازم تكون ملونه مو لونها رمادي لأنه اذا ملونه معناه انه الوايرلس شغال وعلى فكره ممكن تجيك بعد ما تسوي مسح اسم المودم وما يكون عليه نجمة صفراء المهم انه اشارته تكون قويه وما عليه مفتاح

بعد الإتصال تروح عالقائمة الرئيسيه >>>ويب وكذا تكون دخلت عالنت وان شاء الله طريقتي تكون صحيحة لأني انا اشتغل عالوايرلس بهذة الطريقة

[al_3ber]

انا اعاني من نفس المشكلة ومن الأمارات بعد مع ان سويت مسح وحطيت الشبكة وكل شي وما اشتغلت لي النت يتعذر الملقم من استلام مادري شو شي جي يطلع بليز ساعدوني