عن w960

[يا ليل]

مرحبا

انا اريد اشتري w960

ااريد اسأل عن هل يوجد فيه رمز قفل زي ماموجود في النوكيآ !!

كمان اريد اسأل عن جودة الكاميرا هل هي كويسه او لآ اذا فيه احد جربهآ .

كمان اريد اسأل \مو معنى ان الجوال نوعه سيمبيان SonyEricsson Symbian


واكون شاكره للي يساعدني وراح ادعي له

[الوجيه]

ارعص (اضغط) على الوصلات التالية ورح تجد كل ماتود معرفتع عن ال W960
..::w910 - W960::.. الان رسمياا (مواصفات - صور - مواضيع - نقاشات و ارآء)
––––•(-• الريفيو الحصري لـ W960 •-)•––––
هاتفي الموسيقى .. W910 - W960 رسميا ( صور ومواصفات الهواتف )
عندك اي مشكله في ,W960,P990,m600,w950 ,P1 الحل هنا ..* المواضيع المميزه *
واي شيء احنا في الخدمة

[على خطى الحبيب]

اهلا فيك اختي ........
اولا كل اجهزة سوني اريكسون ماتقدر تحطلها رمز قفل .

..

ثانيا جودة الكاميرا رائعة وواضحة .

..

ثالثا سيمبيان على قد خبرتي تطلق على الاجهزة المتطورة والذكية يعني الشاشة تشتغل بالمس وفيه واي فاي بالاضافة الى المميزات الثانية . طبعا ذاكرة 8 قيقا .

ارجوا ان اكون افدتك اختي ..

مع خالص تحياتي .........!!!!!!!!!!!!!!!................!!!!!!!!!! !!.

[سوني للأبد]

مايحتاي تدخل على المواضيع وتدور

انا بجاوبج اختي

اول شي الجهاز كاميرته ممتازة بعد التحديث وبتكون افضل الوانها مليون مرة من قبل التحديث تأكدي الجهاز يحمل تحديث رقم :r6f41

واذا كان يحمل هل رقم : R6e31 يعني لازم تحدثينه واذا رايحة تشترين الجهاز وماتبين تحدثينه عشان ماتعورين راسج احسن شي تسألينه عن التحديث اللي بالجهاز
وبتفتكين من عوار الراس

والجهاز فيه رمز قفل

[يا ليل]

المشاركة الأصلية كتبت بواسطة الوجيه

ارعص (اضغط) على الوصلات التالية ورح تجد كل ماتود معرفتع عن ال W960
..::w910 - W960::.. الان رسمياا (مواصفات - صور - مواضيع - نقاشات و ارآء)
––––•(-• الريفيو الحصري لـ W960 •-)•––––
هاتفي الموسيقى .. W910 - W960 رسميا ( صور ومواصفات الهواتف )
عندك اي مشكله في ,W960,P990,m600,w950 ,P1 الحل هنا ..* المواضيع المميزه *
واي شيء احنا في الخدمة

شكرا اخوي ولا قصرت

[يا ليل]

المشاركة الأصلية كتبت بواسطة على خطى الحبيب

اهلا فيك اختي ........
اولا كل اجهزة سوني اريكسون ماتقدر تحطلها رمز قفل .
..
ثانيا جودة الكاميرا رائعة وواضحة .
..
ثالثا سيمبيان على قد خبرتي تطلق على الاجهزة المتطورة والذكية يعني الشاشة تشتغل بالمس وفيه واي فاي بالاضافة الى المميزات الثانية . طبعا ذاكرة 8 قيقا .
ارجوا ان اكون افدتك اختي ..
مع خالص تحياتي .........!!!!!!!!!!!!!!!................!!!!!!!!!! !!.

اعرف انو جولات السوني ما تركب عليها رمز قفل

بس انا سمعت انو النوع هذ1 اقدر احط له رمز قفل ..


تشكر اخوي ع افادتك

[سوني للأبد]

اخوي على خطى الحبيب

من قالك اجهزة السمبيان مايركب لها رمز قفل ؟؟؟؟

ماتدري ان نظام السمبيان يختلف عن نظام الجافا؟؟؟

كل اجهزة السمبيان يركب فيها رمز قفل ومعلومتك خاطئة

[يا ليل]

المشاركة الأصلية كتبت بواسطة سوني للأبد

مايحتاي تدخل على المواضيع وتدور
انا بجاوبج اختي
اول شي الجهاز كاميرته ممتازة بعد التحديث وبتكون افضل الوانها مليون مرة من قبل التحديث تأكدي الجهاز يحمل تحديث رقم :r6f41
واذا كان يحمل هل رقم : R6e31 يعني لازم تحدثينه واذا رايحة تشترين الجهاز وماتبين تحدثينه عشان ماتعورين راسج احسن شي تسألينه عن التحديث اللي بالجهاز
وبتفتكين من عوار الراس
والجهاز فيه رمز قفل

الحمد لله فيه رمز قفل

اخوي وش لون اعرف هل هو محدث او لآ ..

لان مو انا اللي بشتريه الوالد بيشتريه لي يعني فيه طريقه من دون ما اسأل .. !

وان صار مو محدث كيف احدثه

لازم اروح لمحل والا احدثه من النت والا هو يتحدث من نفس الجهاز ..

واكون شاكره لك اخوي لا رديت على اسألتي

[سوني للأبد]

اختي الجهاز راح يكون فيه سوفتوير طبعا

ولكن كيف تعرفين اذا كان محدث , اول ماتشترين يشتري الوالد الجهاز خل يسأل العامل اللي بالمحل هل يحمل اخر سوفتوير ؟

واذا قال لا وشراه مب مشكلة تقدرين تحدثين الجهاز بالبيت ولا تخافين في موضوع بالمنتدى عن طريقة تحديث الجهاز وتوجد خطوات

باختصار ( الجهاز يتحدث بالبيت وعن طريق النت )

[يا ليل]

جزاك الله خير اخوي ..

وكثر الله من امثالك ..


طيب بالعاده يصير محدث والا لآ.. !

او بالغالب يحتاج تحديث ..!


بس لو تحط رابط الموضوع حق التحديث :$

وجزاك الله خير مره ثانية

[جديد سوني]

شكراً على المشاركة في منتدانا وجوالي w960i بصرراحة شي

[Mr Art]

اخواني الي ماعنده الجهــآآز رجاءً لا يريد

لان الجهـــاز فيه رمز قفل !!!

ومبروك عليك الجهــاز لانه رووووووعه