اليوم حصلت على هدية رائعة w760 انطبعاتي عن الجهاز بالتفصيل ....

CyberShot · #1 (**permalink**) 07-07-2008, 10:04 AM

اليوم حصلت هديه من شخص غالي علي وايد واهدالي w760 وانا بعد عندي g900
انا ساكن بالبحرين ومادري اذا الجهاز نزل عندكم
اليوم كنت افكر اشتريه بس طلع حظي حلو ..
بقولكم انطبعاتي عن الجهاز بكل دقه وصراحه وبدون تحيز او تعصب ... لان الكثير من الاعضاء حابين يعرفون عن الجهاز...
نبتدي بالصور :

اول شي نبتدي بالشكل والتصميم ..
تصميم الجهاز من جيد الى جيد جدا
خامه الجهاز ممتازه جدا مثل ماعودتنا سوني اريكسون في اجهزتها ..
الجهاز مايتلصق عليه بصمات مثل بعض الاجهزه الاخرى وانا عندي اللون الاسود الملكي..
.............
واحين نروح حق الشاشة ..
الشاشة من اجمل واوضح شاشات اجهزة الجافا دقه في جمال اللوان والوضوح ...
شاشة اجمنل من k850 مشبعه باللوان
..............
احين نروح حق الصوت والموسيقى ..
علو الصوت تقريبا مثل w580
صوت الاغاني جميل جدا ونقي واجمل من w580
في ميزه حلو من انشغل الاغاني من نضغط على زر الوكمان ونرفع يدنا على فوق الصوت يرتفع ومن انزل يدنا على تحد الصوت ينخفض ...
وفي حركه معروفه من نضغط على زر الوكمان ونهز التلفون الاغنية تتغير اتومتك ...
وفي ميزه ايضا انشغل الاغنية على الحاله النفسيه اذا كنت حزين او فرحان .. الخ
مانقدر انشغل خاصية الموازن او نتحكم في الموازن يعني لازم انحط سماعات او سماعات ستريو
.................
w760
هذا الهاتف الساحر يقدم كيمرا بقوه 3,2 ميجا بيكسل
تصوير الجهاز رائع جدا بالنسبة حق كيمرا عادية وليس سايبر شوت
اللوان الصور عند التصوير رائعة جدا وجميلة جدا واللوان التصوير افضل من g900 بكثير ..
قد يحرج هواتف عمالقه في تصوير بعض اللقطات مثل g900 و n95
اجوبي حول التصوير جبتها كخبره في تصوير اجهزه سوني اريكسون نوكيا واجهزه السايبر شوت معظمها امتلكتها وعندي خبره كبير في التصوير في سوني اريكسون والنوكا ..
تصوير الفيديو جيد جدا بالنسبة لـ 15 فريم
صور من تصوير الجهاز

...................
احين انروح حق حساسات الحركه في تلفون :
خلفية برنامج الوسائط او الميديا في غالية الجمال والوضوح
واستجابة حساسات الحركه والسرعه مثل k850 تقريا مع افضليه قليله لصالح w760
.................
ملحقات الجهاز :
سماعه بلوتوث
جارج
سماعه عادية
ميدليه
وصله usb
وفي عد وصلة ثانية بس ماعرفت حق شنو استخدامها ....
.................
الجهاز بشكل عام جميل جدا في جمال الشاشة والاستخدام والجهاز مسلي كثير يعني محد بيتملل منه بسرعه ,,,,
والجهاز يحتوي على ثيمات روعه يعني كأنه الهاتف يتغزل فيك بثيماته الخيالية والابداعية والجميلة ...
ونقدر نتحكم في شكل القائمة الرئيسية
.....................
واتمنى الافاده للجميع من خلال موضوعي وانشالله خدمت اشخاص كثيرين
وتحيااااااااااااتي لكم

عاشق SE · #2 (**permalink**) 07-07-2008, 10:09 AM

تسلم على مجهودك الرااائع بس كيف صوته مقارنه معا k800 و 73 انا ماجربت w580

احسن شيئ في الجوال انه اتحادي اصفر واسود خخخ

الله يعطيك الف عافيه على الموضوع

CyberShot · #3 (**permalink**) 07-07-2008, 10:17 AM

هلا اخوي احين الوحيد الي صوته عالي الي نزلو من ضمن الاجهزه اليديده

اهو g900 صوته اعلى من n95 و n82

واجهزه سيمبيان دائما اصواتهم عالية ..

.............

المهم

w760 اعلى من صوت k800 بشكل واضح

وn73 صوته اعلى من w760 ولكن جمال الصوت بشكل واضح جدا لصالح w760

عاشق SE · #4 (**permalink**) 07-07-2008, 10:24 AM

شكرا بس الصراحه n73 مافيه نقاء ابد مشوش يعني في نظري w760 احسن بكثير على العموم تسلم على جوابك السريع -

بس كم سعره عشان افكر ابيع ،k800 , n73

وكيف الكميرا مقارنه معا k800

ويعطيك الف عافيه

واسف على الازعاج

CyberShot · #5 (**permalink**) 07-07-2008, 10:45 AM

هلا اخوي

اكيييييييييييييييييييييييييد صوت w760 صوت الجهاز اجمل بوااااااااااااااااايد من n73

نا احس اظلم w760 ذا قارنته مع n73 لان مافي وجه مقارنه في جمال الصوت ..

تصوير k800 افضل وذلك لان الجهاز يختص في التصوير ومن فئة التصوير ويحمل مميزات تصويريه اخرى ويحمل كيمرا سايبر شوت المعروفه في مجال التصوير ..

ولكن تصوير 760 جيد جدا واللوان التصوير حلوه بالنسبه حق كيمرا عايه يعني تقدر تلتقط فيه صور حلوه للذكريات بس عيبه مافي فلاش

وسعر الجهاز في حدود 160 دينار تقريبا او اكثر بشوي او اقل بشوي يعني على حسب المحلات

وطبعها الجهاز احين مخلص في السوق ومن عند الوكاله بعد مخلص..

روح مجمع التأمينات وانشالله بتحصله

والجهاز توه يديد ماصار له فتره بالبحرين وبدايه ناجحه له لان له اقبال عليه كبير لحد الان

R.S.R · #6 (**permalink**) 07-07-2008, 12:26 PM

مشكور أخوي سايبر شوت على تفصيلك للجهاز ما خليتنا نسأل سؤال كلشي كاتبه ويعطيك العافيه

CyberShot · #7 (**permalink**) 07-07-2008, 12:32 PM

بعض الصور من تصوير الجهاز: صورت على السريع

الجهاز بس ناقصه مايكرو على شان يصير كيمر متكاملة وناقصه فلاش

**KaToOo** · #8 (**permalink**) 07-07-2008, 12:40 PM

تسلم سايبر عالموضوع
وياريت تصور لنا الهاتف مع الكرتون والمحلقات لكي يكتمل الموضوع ... وتصوير فيديو من الجهاز
وياريت لو تذكر السماعة اللي تجي مع الجهاز وش نوعها ... تقدر تعرفه من الورقة في السلك حقها

CyberShot · #9 (**permalink**) 07-07-2008, 12:41 PM

سماعه بلوتوث او عاديه ؟؟

اما عن تصوير الكارتون وملحقاته العضو المحميد ماقصر واهو مثلي شرا الجهاز وصور لنا الملحقات وكل شي وانا مثل جهازه ولون وكل شي وثنيناتنه شريناه مثل الضمان الي اهو فخرو من البحرين

تفضل هالموضوع

اللي عنده اي سؤال او استفسار عن W760 يتفضل

deep omar · #10 (**permalink**) 07-07-2008, 12:43 PM

مشكور اخ CyberShot

**Gandof** · #11 (**permalink**) 07-07-2008, 12:53 PM

مشكور أخوي على مشاركتنا انطباعك..

وألوان الصور فعلاً جميلة.

تحياتي،،

N!Ce G!rL · #12 (**permalink**) 07-07-2008, 01:50 PM

شكله حلوووو نزل السعوديه

مفكره اشريه بس كيف وزنه مبين ثقيل ؟

CyberShot · #13 (**permalink**) 07-07-2008, 02:02 PM

لا خيف جدا ماحس فيه بثقل ..

بس مادري عن البنات .. البنات رقيقات على اقل شي يحسون بصقل .. خخ

بس الجهاز خفيف لا تحاتين وملمسه ناعم وجميل ..

واللون الاسود ملكي وفخم وتقدرين جوفي صور عن طريق قوقل البحث في صور وجوفي كل اللوان والقرار لك

ومادري اذا نزل بالسعوديه او لا

CyberShot · #14 (**permalink**) 07-07-2008, 02:11 PM

صور للون الاسود الرائع

تفضلوو اضغطو على الرابط

Sony Ericsson W760 Intense Black live pics - TOYS and GADGETs | News | Reviews | Videos

**Eng.Suhaib** · #15 (**permalink**) 07-07-2008, 03:17 PM

مبروك عليك الجهاز يا غالي والله انا شبه مقتنع في ما بعرف اول مرة بيدخل المزاج

قابلني بالماسنجر اشوفك بس بالليل بدي احقق معك تحقيق مطول
وتكتب اسمي بالتوقيع كمان خخخخخخخ

تحياتي يا عسل وربي يعطيك الف عافيه

يتم تعديل التوقيع خلال 24 ساعه يا ريت تدبر حالك ولا خلي كاتالوني يعملك توقيع
تواقيعه حلوة << رح يدعي علي كت كت .. قله من طرف صهيب حبيب القلب ..

تحياتي كمان مرة ودمتم بود

اليوم حصلت على هدية رائعة w760 انطبعاتي عن الجهاز بالتفصيل ....

قسم آخر أخبار وتقارير منتجات وأجهزة سوني إريكسون