بسم الله الرحمن الرحيم ..
وشلونكم وش أخباركم مع هالصيف والحروره , يا بخت اللي بيسافرون لندن < < < الكلام موجه لبنت خالتي اللي جنبي < < < انجزي ولا يكثر
المهم >> أخيرن
تو منبطحة بالصالة واقلب بهالقنوات وبطني يصرصر من الجوع مير انقز أحط الاندومي بالقدر وانكس
وانا قاعدتن اقلب واحتري هالاندومي يخلص طحت بقناه والله ياطار عقلي يوم شفته
تربعت وطيرت عيوني واحلف لكم اني ماقمت منه ولا الفجر
هوايل هوايل اللهم صل على النبي >> لايروح بالكم بعيد اعرفكم تراي " هع يقالي طايحتن بكم"
لاعاد صدز اقصد بهرجي "قنوات الزواج والعرس واللي يحط طلباته تقل يعبي ابليكيشن طلب وظيفه .. يرسل لهم السي في ويحط ارقامه ويحتري الرد ?
وانا منبطحه ومتنحه ومتهوله مادريت الا تطب اختي وتربع واول ماطاحت عيونه على التلفزيون صرخت ايييييه
واخيرا لقيتي هالقناه اني ادوره ومالقيته
تخيلي كل صديقاتي يهرجون عنه اصبري اصبري بقرا .. وانا متنحه قلت سلامات وش جايتس قالت ابد ان صديقاتي يقولون شوفي وش يكتبون
وش رايتس مير نكتب نجرب نشوف وش يجينا هههههههههههه قلت انهبلتي انتي والا تهيبلين ؟؟ وش تجربين قالت بس نجرب نشوف كم واحد يبي يعرس علينا كانهم صادزين
قلت اقول اركدي بس
وحنا قاعدين نناظر ونعلق على هرجهم .. اللي تقول موظفه وعندي منزل ملك وبيضا وطويله وجميله " ماشاءالله كل اللي يكتبن هنا جميلات وبيضان ومن عوايل ثريه والخ " والله انه حامت تسبدي وش هالمصخره ذي؟?!
بيضا وحنونه والثانيه شعره اشقر ماشاءالله ش خلو للسوريات
بعدين صدز تعااالو انتم والله خن نتكلم بجد يعني لا عن الزواج عن طريق التلفزيون ولا عن المسيار
للدرجه ذي عنسو الناس وبدو يعرسون بالتلفزيونات؟ مير غيرت القناه وبديت اقلب والله ان دشنا كله هالقنوات
وان طلعت قناه ثانيه مابه الا ربعه يعرضون به مسلسالتهم وبرامجهم ويمين ويسار وفوق وتحت كله سواليف والا يطلبون زواج
يعني بصراحه والله اني مدري وش اقول طايرتن بوهتي .. مدري هم صادزين ذولا والا يتسذبون ويستهبلون ؟ طيب واذا صادزين ماعندهم اهل يقولون لهم طلباتهم ويدورون لهم??
يمكن احيانا يصيرون صادقين .. او فيه ناس ماياثقون برأي اهلهم ويحبون يختارون شريكه بنفسهم
والله كل شي جايز بس احس الوضع زاد وكل مالهم بزياده مير اغلبهم يبون مسيار والله شي يضيق الصدر ..
بعدين صدز تعالو مره ثانيه .. الحين خلو عنكم هالقنوات على جنب .. بس وش سالفه المسيار ؟ منول نقول الرجل يعرس مسيار مير الحين نخاف على البنات يعرسن مسيار وحنا ماندري .. والله اني ماستغرب الوحده تعرس مسيار وهي معرسه وتروح لم رجله " بالمسيار" يقاله رايحتن لأهله
استغفرالله بس .. الله لايبلانا
انا من ناحيتي كان الرجل يبي يعرس ياخذ بدال الوحده اربع مثل ماحلل الشرع .. بس وشوله مسيار ويغبي وحالته حاله ..
بتقولون مثلا ماعنده او مايقدر ميزانيته انه يوفق بين الأربع طيب ياخذ وحده وقضينا وان ماسدت الوحده ياخذ ثانيه ماقلنا الا لازم اربع
زينه المسيار للرجال طبعا : عنده مره يروح لمه ويجي لمه ويوسع صدره بدون مايصرف عليه رجالنا همهم هالقروش وذا اللي موسع صدورهم
بس المره قهر انه تقل لعبه يجي لمه ويطلع منه وماحد يدري انه معرسه وغير كذا مايصرف عليه ولا ينفق عليه لا وبعد ماتجيب عيال منه طيب وشوله كل ذا تعرس مثل الناس ازين له ليه تنازل عن بعض حقوقه وتحرم نفسه من الأطفال والبيت? حتى هي ادميه تحس وتستانس بس اتوقع اللي يقبلن بالمسيار شي غصب عليهم مب بارادتهم ..
بقولكم سالفه صارت يوم الاربعاء
كنا رايحين دوريه باستراحه المهم وكل الحريم كراث وخبز وفله ووناسه جت وحده منهن تسولف وانا طبعا قاطتن اذني بينهن
قالت اني ذاك اليوم اسولف مع اخوي شرايك بهالشي والمسيار وكذا .. اول شي قال والله انه فله !! وللمعلوميه معرس وعنده 3 عيال
قالت وش فله قال والله انا ماأشوف به شي بالعكس فيه حريم يحتاجون رجال بس مب قادرين يطلعون من بيوتهم او مايبون يتركون اهلهم
وغير كذا فيه رجال يبون يتزوجون بس ماعندهم قدره انهم يصرفون ويفتحون بيت وعيال .. قالت هي طيب وحقوق الزوجه وينهن ؟ والا بس خيطي بيطي
يعني صراحه حتى يوم حللو المشايخ المسيار كلن بدا يعرس رجل كبير شايب عاقل .. حتى يوم قام اخوي اوجعن قلبي من هرجه
وهذي سالفه سامعتها من خالي واحد يقول انه معه واحد بالدوام رجل صغير يعني شاب مابعد تزوج .. ومن سواليفه باين انه متزوج مسيار المهم الرجل ذا شايف بروحه شوفه
يقاله باخصن كل شي ماشاءالله وهو ماعنده سالفه سأله عاد يقول لو تزوج او يخطبون لك اهلك وانت ضايف هذي بالعقد وش بتسوي .. ؟ بالنهايه بيدرون اهلك
ليه تسوي كذا يعني قلهم من الاساس والا خلاص .. قال لا اصلا من الاساس منب ضايفه بدفتر العايله .. ؟؟ يعني ماصار عرس ؟ خير استغفرالله
وهذا واحد بعد متزوج وماخذ مسيار زياده .. المهم انه يجي لم مرته بالمسيار بالويك اند اربعاء وخميس ويطلع الجمعه بتل على هالحاله ..
عاد مره طلع منه يوم الجمعه يوم صار بالليل وتفطن اثره ناسي بوكه عنده .. رجع له بياخذه يوم دخل الشقه وش يلقا .. !!
لقاه العمه باسطتن مع واحد ثاني خير سلامات منهو ذا ؟
ابد ذا رجلي ... وشلون رجلتس وانا ؟؟ لا ذا الثاني
طبعا اللي يعقد بينهم اخو البنت يعني لاذمه ولا شي
بس يستاهل ذا اللي ياخذ على مرته عاقبه ربي ورده له
يعني والله هالشي منتشرر بققققققققوه يعني لاحد يستغرب لاصار اخوتس معرس والا ابوتس .. تأقلمي مع الوضع
والله الحين وش كثر هالعوانس الا هالمسيار خلاص كلن صار مكتفي وشوله الرجل يعرس ويفتح بيت وصرف فلوس وبزران .. عنده مسيار يوسع صدره وقضينا
وبس < < < زين قظيتي
<< < تعبت من الهذره والقرق تكتب الموضوع وتسولفه على عمرها بنفس الوقت خخخ
يالله عاد أبي أشوف رايكم بالموضوع وردودكم < < < طيب فاردزي لين تجي الردود
سي يو
خطوبه وزواج آخر زمـن .. واخزياااه < < < تفضلوا يوجد شاهي بالنعنع وجـح !!
.. ثانكس سو متش عالردود , خلاص دام المشرفه Indescribablel ردّت علي كمّل موضوعي ونوّر متصفحي 
