السلام عليكم ..
ما تلاحظن شي مميز في عنوان الموضوع ؟! < < < جد اللي بيلاحظ له هديه مني
ندخل فـ الموضوع ..
في جَمعة الجِمعة .. كنا يامحاكيتكم وجمعون من شرواها – شروانا الطيب - .. نتباحث في عدد من القضايا الحساسة وكنا مخططين اننا رح نسفر بتوصيات نرفعها للمقام السامي لحل قضايا الأمة العربية والإسلامية ..!
و كان من ضمنها قضية " الشنطة " ...
: وهل الشنطة فعلاً قادرة على انها تبرز هويتك البدنية والفكرية أم لا ؟
،
طبعا انقسمنا كعادة العرب ... إلى صنفين أو يزيدون :
الصنف الأول قال ايه نعم ان المسألة لها مدخل للمنطق من جهة من الجهات ...
والصنف الآخر نفى هالشي بحجة ان الشنطة ما تشيل فكر ولا تشيل " معدة " هي تشيل احتياج فقط لا غير ..
،
فاحتدم النقاش
رد الصنف الأول : أكيد يعني هو صحيح انها احتياج .... لكن طبيعة شخصيتك هي اللي تفرض عليك احتياجاتك
الصنف الثاني : أقول بلا فلسفة احتياجاتنا يالحريم كلها وحدة
فرد الصنف الأول : ما لكم لوا .. فيه احتياجات عامة لكل البشر - يتوحدون فيها - ، وفيه احتياجات خاصة يحددها الجنس وفيه احتياجات " شخصية " .. والأخيرة ما تصرف الا لحاملها
فرد الخصوم : مثلا يعني ؟
فقلن : . يعني مو من المعقول انك بتلاقين كتاب في شنطة وحدة ما تقيم للقراءة وزنا
فرد الصنف الثاني : الله من وحدة تحب القراءة ولا تشيله معها في الشنطة لأنها ما تحب تقرا الا في أجواء معينة أو هي ما تقدر تقرا من الأساس .. الا في غرفتها ..
فرد الصنف الأول : هذا شي ثاني خارج عن موضوعنا ، احنا ما نقول ان كل من فضت شنطتها من الكتب تعتبر " ما تقرا " .. لكن من جهة ثانية .. كل من شالت كتاب في شنطتها فهي أكيد تقرا ..
قال الصنف الثاني : الله من وحدة تحط معها كتاب من باب الديكور ..
فرد الأوليات : عاد الله اللي عاد يشوفكم يقول الشنطة متاح فتحها للرايح والجاي .. اللي بتتدكور مب موزية ديكورها جوّا الشنطة
فكان رد الصنف الثاني : لا بس وهي فاتحتها ياي معي كتاب
فرد الأوليات : بالله وحدة بتزحم شنطتها بكتاب على أمل فرصة تميلح ؟ هذا كلام ؟
فما كان من الأخريات إلا أن قلن : احم احم ...المهم ان المسألة مو بالضرورة يعني .. يمكن بس موب بالضرورة ..
،
وبعد بحث(ن) وتشاور(ن) مضني ..
قلت بسسسسس بنات نحتكم لشناطنا .. ونسقط محتوياتها على شخصياتنا ونشوف .. تنطبق والا ما تنطبق
فبارك فريقي الفكرة / اللي هو الصنف الأول ... والفريق الثاني قال : اممممممم يا الله الشكوى لله عشان جست بنك بس /.. << ما لاق يا لوح
.
فجبنا الشناط وبدأنا الفرز ..
الشنطة الأولى : مشط / نظارة / عطر / علك / جوال / جل ديتول المعقم
صاحبة الشنطة : مرتبة .. مب نظيفة الا موسوسة .. جادة نوعاً ما ..
هنا بدا يقمط الفريق الثاني
الشنطة الثانية : " مجلة " / بوك صغيرون الفلوس اللي فيه لا يمكن ان تقبلها ثلاجة البيبسي من زود العبط والعبيط عشان تكثر - .. مناديل / مشط / مسكارا مدري وش تسوي بلحالها ../علك اكسترا ../ مراية ../ جوال ../ عطر../ قلم مدري وش يبي لأن ما فيه نوتة . / علك غندور
صاحبة الشنطة : محاكيتكم .. -ترا المجلة بس عشان لي سكتنا أحثبر لهم على سالفة .. طراه ممنوع السكوت / على وزن " ممنوع الوقوف " -
الشنطة الثالثة : ليز بالجبن / حلاو مص بالليمون / كيكة لوزين / جوال / بوك /عطر / شريط فيديو – كانت جايبته لوحدة ثانية - ..
صاحبة الشنطة : دبدوبة ..بسيطة .. وسيعة صدر..
الشنطة الرابعة : مشط / علبة مكياج / شنطة أرواج .. / شنيطة شباصات / عطرين / دهن عود / مناديل عادية / مناديل معطرة / علك / آي بود / محلول عدسات ..
صاحبة الشنطة : بنوتة .. بنوتة بنوتة يعني
ولأن الأمور كلها تمشي لصالح فريقي فلذلك أوقفت المحاكمة ضمن ظروف غامضة .. واغتيل الحكم في مهده
،
المهم اني قررت اني انقل سالفتي للمسنجر عند المعذبة ص . ع – اخبارك صويت - ... فانتهيت الا اني سألتها وقالت ليش لا ..فمثلا فلانة تعرفها لشدة ما هي مرتبة فهي تفضل الشنط الصغيرة والموتدة – أي الواقفة على حيلها - بحيث انك لو خضيتيها خضيتيها وبعدين فتحتيها لقيتي الأمن لازالا مستتب وكلش مرتب في مكانه تمام .. بينما علانة تعرفها برضو .. تحب الشنط الكبيرة اللي ما لك مجال فيها تحطين اغراضك بترتيب معين / يعني شنطة تشيل اغراضك بعشوائية .. / شنطة نظام " كيس " ! وهي في شخصيتها فري وتحب الحياة .. وتحب الأشياء تصير على سجيتها وعلى طبيعتها .. يعني ..
فولعت في راسي لمبة .. وقلت لا أثر المسألة " خطيرة " ولها أبعاد أخرى ما أخذناها في الحسبان وقت الفرز الجمركي ... وقررت على إثر ذلك أنقل الموضوع هنا ليستوفي حقه من النقاش الفعّال
،
وحدة من بنات فريقي أرسلت لي بعدين .. هالنكتة
تقول :
أنواع الشنط :
شنطة اللبنانية :
1- مرطب شفايف
2- كريم يدين
3- علكة
شنطة الكويتية :
1- علبة مكياج
2- عطر
3- جوال آخر موديل
شنطة الإماراتيه :
1- حزمة دراهم
2- أوراق استثمار
3- بطاقة بنوك
شنطة السعودية :
1- أوراق مستشفى
2- مسواك
3- حبوب نادول
4- روج ما له غطى
وفوق كذا لحد يقرب شنطتي
.
،
وبس ..
تمت ولمّت ..
سي يو
كبّي لي شنطتك /‘ أقول لك من أنتِ ..!
واحيانا ماأشيلو >>>عااايشه حياتي 
حد ممكن يحلل شخصيتي ؟؟؟؟
اتذكر كنت اسولف مع ربيعتي عن هالسالفة ( شكلها قضية متفاقمة و عالمية عند البنات ) 
ههههه راعية مزاااااااج وطبعا فنجال وكاس لاني ماحب اشرب في غيرهم مزااااااج متعدي حدة
:
