السلام عليكم .. فتاة عتيبيه .. وأخواني اللي يبون يشترون الجهاز W950
أنا معي الجهاز واستعمله من شهر ذو الحجه يعني 8 شهور .. أول مانزل ..
بالنسبه للمشاكل اللي بتواجهك جاوبك عنها الاخوان ابن غشام والنشمي .. مشكورين
هم باختصار مشكلتين:
1) التعريب
2) والتعريب
لان التحديث سهل ومافيه مشكله
1) اذا انك تستخدمين DSL
2) وإذا عندك خلفيه أبسط من بسيطه عن تثبيت البرامج على الكمبيوتر
وتبين السلبيات والإيجابيات .. أقول لك اللي لاحظته ..
1) الإيجابيات:
- الجوال مليح الشكل مربوع وله طله
- مقارنه مع m600 (جربت الأثنين) هو أحسن بكثير ويفيدك أكثر لأنه m600 على ما فهمت وجربت اختصاص انترنت
وW950 جامع الووكمان ولا يحرمك من الانترنت ..
- محترف ووكمان يعني يغنيك عن I pod وأخوانه
وذاكرة الووكمان كبيره مره لا يخوفك الكلام أنه ماله ذاكره خارجيه وكذا ..
- صوته عال العال .. وسماعات الأذن قويه مره .. مثل ما تعودنا من سوني وله ستاند ممكن تشترينه وتشحنينه وتشيلينه معك وبكذا يغنيك عن المسجل البسيط
- البلوتوث حلو .. وممكن ترسلين أكثر من ملف مره وحده ..
السلبيات:
وهنا المهم بالموضوع ..
- أنا أول ما شريت الجهاز كان يعلق بشكل رهيب .. لكن مثل ماذكروا الاخوان .. عربيه صح .. وحدثيه ويصير حبيب وفانتاستك
- الجهاز دلوع يعني مايبي بزران ينخجرون فيه
وانتبهي عليه من الصدمات والطيحات .. ما أنسى أول مره طاح مني صار القلم اللي فيه زلج ويطيح بسرعه
- وحطي في بالك إن الجوال انجليزي .. حتى لو عربتيه تظل القوائم والأوامر انجليزيه .. تحتاجين معرفه انجليزيه لو بسيطة
- إذا أنتي جديده على السوني اريكسون .. تراه مايفتح بعض الملفات مثل اللي امتدادها txt و avi وتحتاجين تثبتين برامج تفتحها .. تلاقينها هنا بالمنتدى
محتويات العلبه :
يجيك الجهاز وبطاريته طبعا
وصله من الجوال للكمبيوتر
وصله audio
وسماعات سلكيه
عدد 2 CD فيها برامج تثبت على الكمبيوتر وتستفيدين منها للجوال
وللأسف مافيه كاتلوج عربي - كاتلوجك الثنائي المرح مثل ماقالوا
ولو عندك استفسار محدد .. أخدمك بعيوني ..
وإن تذكرت شي برضه راح أرجع أقولك ..
خلاصة الكلام : الجوال رهيب وعاجبني مره .. يمكن قهرني مره ومرتين .. بس يظل أحسن جوال اشتريته ولا تحسفت ولا بفرنك من قيمته ولو ابشتري جوال جديد شريته نفسه
وأنتظر منك بشرى أنك شريتيه
ودخول متقطع
محجوز
... لاني 
تعبتكم
*+* النشمي*+*
من الشريط العلوي
.. فرصتك للاشراف في منتديات سوني اريكسون 
