13-08-2008, 03:51 AM
|
 |
عضو رهيب
|
|
تاريخ التسجيل: Jul 2008
البلد: ", الـرّيـَــآضْ ,"
الهوايات : كِـل شَـي .,!
الوظيفه : طـآلبــهـ ..
الهواتف : " W 9 1 0 "
المشاركات: 175
|
|
و أنا ( غزالٍ ) بِ عين أُمّي تِقَرْدَنتْ <-- مضيّعة شاعر المليون
<B> .. بسم الله الرحمن الرحيم ..
مَقيُولةٍ : قِردٍ بِِ عين أُمّه ( غزال ) و أنا ( غزالٍ ) بِ عين أُمّي تِقَرْدَنتْ و مهما أحاول لجل أنـا أعـدّل الحـال بأبقى و أصِير ب عيِنَهـا كمـا ..كِنـت و أحسّ بي أحيان مـا أسوالـي ريـال زيـن إنْ بلغـت ب مقـداري الCent يا يُمّه وإنْ مدّيـت ب يسـرآي فِنجـال ترى لانا ظهرت عن الملّة و لا خِنت
<-- يا شين اللي فاضحن عمره و كعّ العفش  بانت الرفالة   .. لا وهـ اسم الله علي قمر قمر الله لا يضرّني خخخ
أوّل شيء : مَسّهُم ../ و .. صبِّحهم على طآعته و رضآه  و إن شاء الله انّكم سالمينٍ غانمين يالله
و الثاني من هالشيء / الموضوع :
جاء ارتجالي و مسكة مدري وش تبي و غضّوا البصر عن الحواق اللي بأوّل الصفحة مير أحسّها تعرج من الكسور بس مدري وين بالظبط  .
مير الله من هالغباين و هالشرهات اللي بتنكبّ هنيّا ( هاه دكتور كيه قرارة الدزدر أظنك عارف القصد )
**
الموضوع بشكل عامّ موجّه لأغلى ما نملك بهالدِّنيا ( أُميماتنا الله يطوّل لنا بأعمارهن يالله <-- إلا مير كم لتس من أُمّ ؟ ) و احتواءه على شيء من العتب و مُجرّد فضفضة , خاصّة بهالفترة النفسيّات مع هالجوّ تهههههبّل .. و استغلال هالموسم من لَدُن هالأُمّهات بإملاء علوم السَّنع و الظفارة ( فجأة ) بحكم أنهن ما عننندهن بنات يقعدن كذا فاضيات ولا شغل و لا مشغلة ( و لو أن امي غاسلة يدها منّي مِن ساسو ) .
**
طبعاً كِلّنا نخْتَلف بعلاقاتنا مع أمّهاتنا .. وتعتِمد هالعلاقة بالغالب .. على : الأمّ , و على حسب الفارق العُمري بينك وبينها .., و ترتيِبك بين أخوانك .., و أسلُوبِك إنِتي معها .
معروف و شائع إنّ البِِكر غالباً أو البنت الأكبر هي اللي تكون الأقرب و خصوصاً لا صار فارق السِّن بين الأم و بنتها مو كبير تكون أشبه بصداقة و الثنتين كتاب مفتوح لبعض , مير بعضهن تصير بنتها أشبه بالجارة , ما غير نقرة و الأبو اللي يفكّ بينهن .
كم مرّة أسمع و تشكي لي كم بنت , أن أُمّها مهما تكبر تعتبرها ( بزر ) و غير مأهولة ( وين يمّي جزيرة غدت ) أنّها تتحمّل مسؤوليّات .. و تواصل الأُمّ مسيرة - الدقم والتحطيم - لبنتها و أحيان بشعورها و الغالب على اساس أنّه أسلوب مُعتمد لل"التربية " 
وحدة من البنات كانت متحاملة بشششكل على أُمّها و تقولي : و ربّي يا ربع إن لا جونا ضيوف و جلست أباشر و إلا اصبّ ما تسمعين غير التهزيء العلني قدّام الله و خلقه و تخليني ما أسوى خلقاني
و أن مُعاملتها لي – فرررق السَّما و الأرض – بينها و بين خواتي ..
بعض الأُمهات الله يهديهن تعقد مُقارنات بين بناتها ( يالرفلا .. ناه اختتس أسنع منتس , و أنتي ما تنفعين و لا بقرش ) و كثيييير لاحظتها .. صارت من بعدها البنت من الوسوسة ما تقوى تشيل الطوفريّة تخاف تهبد و تغدي ترقل .. و تكره الاجتماعات من هالإحراجات المُتوالية , و أحياناً تكره أختها و تتجّنبها حتّى ما يكون مجال للمُقارنة و يلاحظها أحد .
ما فيه أطلللق من الأُمّ تكسب بنتها و تحسّن علاقتها فيها و بأساليب ألطف و لا تخسرها , ندري إن قصدهن " خير " و غاية مُناها تشوف بنتها ( الأحسن ) , و لا أرقّ و ألطف من القول المأثور عن عليّ رضي الله عنه " ربّوا أبنائكم على غير ما رُبِّيتم عليه، فإنهم خلقوا بزمان غير زمانكم "
و إنتي إن كانت علاقتك فيها مو ذاك الزّود , أو زيّ الغالبيّة و كلامهن : [ أمي النقاش معها مسدود و لا مرّة حاولت تعرف وش أبي و وش ما أبي .., ] لا تنتظرين المُبادرة و أبدي بها أنتي , تقرّبي لها و توددّي و خاصّة لا صار بينك و بينها فرررق كبير سواء بالعُمر أو بشخصيّتها [ تكون جادّة / و رسميّة ] و أنتي العكس , لا تخلّين شيء يعيقك و حاولي و احتسبي , و إلا وش نبي من هالدنيّا غير رضا – الله – سُبحانه ثمّ رضا والدينا .
**
و طبعاً ما أنسى إن فيه بنات فيهن حقّهن , آخرتها مرّة وحدة تنحرج لا دخلت عليها أُمها و صديقاتها مجتمعين عندها و طول الوقت ألاحظها تتصددّ !!
و الثانية – الله يذكرها بالخير – بس تسودها الحين عقلت .. أيّام الدراسة تستتتحي تنادي أمها لمجلس الأُمّهات و إلا لا تواعدنا برّا إننا نقابلها .. لأن فيها عِيب خلقي ( و بسيط ) .
خاتِمة ../
أُمّك مهما بَلغتي من حُسن المُعاملة ما راح تردّين لها و لا شعرة من الجمايل اللي لها عليك , تجينا فترات طنقرة و تكرنة و نزعل منهن عشان طاري طلعة و إلا هن الله يخلّيهن تمسك معهن غلط أحياناً .. بسّ ما لنا غناة .. و لا يجي الوقت اللي - الله لا يجيبه - ونندم بأننا فرّطنا بوقت ما يسوى و شيء ما يستاهل لو قارنتيه بتكيّة معها و تشوفين وش محتاجة و وش ناقصها ..
.
.
طبعا لا تصدقون كل ما قيل بالموضوع , فيه الصدز
و فيه من وحي الخيال < < < ما ودها تقول نصب
وبسسس
</B>
●• _______________________التوقيع_______________________ •●
. <<< على الله ما يقولون بكره التوقيع مخالف ممنوع وضع النقاط بالتوقيع 
|
العرض العادي
