أنت غير مسجل في منتديات سوني اريكسون | SonyEricsson Forum . للتسجيل الرجاء إضغط هنـا الاعلان معنا | تفعيل العضوية | طلب كود تفعيل العضوية | استرجاع كلمة المرور | مجلة سوني اريكسون العدد الثاني
 |
    |
| |||||||
| القسم العام مواضيع ثقافية، اجتماعية، عالمية... بعيداً عن عالم الأجهزة و التكنولوجيا |
 |
| | أدوات الموضوع | إبحث في الموضوع | طرق مشاهدة الموضوع |
 06-11-2006, 05:15 PM | ||||
| ||||
| مصطلحات شباب جدة ؟!!!  السلام عليكم هذي مصطلحات حلوه جاتني في الاميل من احد الشباب وعجبتني قلت لازم اشارككم بيها وانشاء الله تعجبكم أبو كلب( وهادي الكلمة تنقال لما يكون في شي ما يعجبك هههههههههاي يعني زي لمن يكون جوالك قديم ومعدوم العافيه تقول عليه جوال أبو كلب ولمن يكون قلمك ما بيكتب زي الأوادم ويقطع تقول قلم أبو كلب )أشكل) جات فتره انتشرت دي الكلمة بصورة كبيرة وهيا بشكل عام معناها الطناش فلمن تيجي تبغى تطنش شي تقول أديه اشكل ومأخودة من لعبة البلوت او الورق للاخوان اللي ما يعرفو معنى البلوت (أطبعوا) ههههههههههاي من الألفاظ المضحكة جدا وتنقال لمن شخص ما يسمعك ويسأل ايش قولت وماتعيد الكلام تاني فتقوله اطبعو بلاهه وربي بلاهه (أل) انتشرت بشكل رهيب اضافة ال التعريف من باب المبالغة في الفترة الاخيرة زي مثلا لمن تشوف واحد غشيم تقول مو بس غشيم الغشيم ههههههه لمن شباب يعاكسوا في السوق ويشوفو بنات ما يقولو بنات البنات ما رح يفهمها الا اهل الحجاز بصراحه لانها تتنطق بطريقة مميزه === > يموت في الطرق المميزه (إنبراش) نعرف انه لمن بتلعب كوره واحد يدخل عليك معناتها انبرش عليك لكن عند الشباب صار لها معنى تاني انبراشة صار معناها انه دخله غلط وسط الكلام يعني انه تكون انته والشلة بتهرجوا في موضوع ويجي واحد يقول كلام مالو أي علاقة بالموضوع هنا نقول فلان انبرش وهادي تصير انبراشه ولا لمن يكون الكل ساكت ويجي واحد يقول كلام ماله داعي زي نكته بايخه مثلا هنا نقول على الحركة دي انبراشه (بسط وهز وسط) تخيلو الفيلم الهندي دا كولو عشان تجاوب على احد يقولك كيف حالك؟ (بلف) :ههههههههههاي من اضحك المصطلحات بصراحة طبعا الشباب يعرفو البلوف معنى انه شخص ينبلف يعني انه يسوي الشي بسرعه بدون تفكير مثلا لو شاف صاحبه اشترى سياره جديده وعجبته قوام جاب وحده من نفس النوع هنا نقول انه بلف ينبلف بسرعة هههههههههاي ولمن يكونو اتنين بيتضاربو ويجي واحد يحرش .. ولا لما يكون واحد يجري بالكورة ولساعو بعيد عن المرمى ويجي واحد يقولو شوووت يقوم يشووت كدا بسرعة دا نقول عليه انبلف ههههههههااي احس بعض الناس ماحتفهمها بس هوا معناها كده وخلاص (تشبيك) : ودي الكلمة معروفه وانتشرت بمختلف ارجاء المعمورة ومعناها انه لمن واحد يقول انا شبكت فلانه يعني انا خليتها تعجب فيا وتحبني ولا تكلمني وزي كدا (تغريز) كلمة يعرف انه لمن السيارة تغرز يعني تغرز في الرمل لكن بين الشباب المصطلح ده غير يعني لمن انته تيجي وتقول غرزت عند فلانه يعني وقعت في دباديبها ههههههههههه او تقول فلانه غرزت عندي يعني وقعت في دباديبي ايش بالله الكلام الفاضي دا نجيبلك ونش احسنلك هههههههههههههههههههاي (حمزه) :هادي اللفظ اللي المفروض يتلغى من قاموس الشباب بتاتا البتة لأنه على اسم صحابي جليل وحرام نهين الأسم بالصوره هادي وحمزه هادا اللفظ معروف حاليا بين مجتمع الشباب بالشخص الركاب يعني الكزاب فلمن تلاقي احد يبكش يقولوه بس ياحمزه ((ومو قصدي عليك ياحمزه )) (جنط) لكل يعرف جنوط السيارات طبعا لكن اليومين دول برضو صار للجنط ا معنى تاني .. يعني لمن واحد يقرفك ويطفشك من كلامو .. يقولولك الشباب اعطيلو جنط يعني طناش .. وهادي زكرتها فوق بمعنى أشكل (دافور) دافور معناها زمان في الحجاز الفرن ولكن دحين صار معناها البنت او الولد الشاطر\ة في الدراسة نقول عنه\ا دافور\ه اللي دايمن شغال عالكتب ولا يسيبها زي ما يسموه المصارية عثة كتب )دعس) :زي الكلمة تنقال للاقدام على الشي وتنفع مرادف لكلمة قدام يعني لمن مثلا يجي احد يقولك تيجي نروح التحلية ترد عليه وتقول والله دعس يعني يلا معاك ولا هيا شباب نلعب كورة يقولولو ادعس زي الكرتوووون : تنقال للواحد الأهبل (شاكوش) : معناها الاصلي طبعا المطرقة لكن دحين صار معناها البنت ولا الولد اللي مو حلو هههههههاي نقول عنه شاكوش (شوربة) : طبعا كلنا نعرف الشوربة احلى شي عندنا هنا شوربة الحب على الفطور ياسلام سلم لكن هنا معناها غير فلمن انته تقول شوربه يعني شي سهل فلمن مثلا يكون عندك اختبار ويكون سهل جدا تقول الاختبار كان شوربة وهكذا ولا مسلا تكلم احد وتقولو انا اروح شوربه .. يعني اروح وطي .. ولا تيجي المدام تجبلك الاكل تقوم تقولها حياتي من غيرك شوربة (صاروخ) هههههههاي طبعا نعرف الصواريخ لكن هنا معناها شي ثاني معناها البنت الحلوة فلمن الاولاد يشوفو بنت حلوة يقولو عنها صاروخ (صهيوني) : كلمة جدا وحشه بصراحه وما احب انه نستخدمها وهي تنقال للشي الحلو فيقولو لو شي جدا جميل صهيوني وهي مو حلوه لانه الصهاينة اليهود مو من الجميل ننسب لهم الحاجات الحلوه طقطقة : ودي الكلمة تنقال لمن تبغى تتسلي في واحد يعني تستعبط عليه وهوا اهبل يكون مسكين على نياته وتلاقي ياما شباب مثلا متجمعين يقولو لو جا فلان نطقطق عليه ولا تلاقي واحد يجي يقول امس طقطنا على راس فلان منقوووووووووووووووووووووول وزي كده __________________  شارك معنا في مسابقة [ بيت القصيد ] لتصبح شاعر المنتدى .. وتمتلك وسام شاعر المنتدى ... kaka أيام الجاهلية   |
| 06-11-2006, 06:55 PM | ||||
| ||||
| من اهلها وما اعرف نصها .. خخخ .. الف شكر لك. __________________ .لا تنس ذكر الله. ادارة المنتدى تتمنى لكم قضاء امتع الأوقات  ---------------- Asus X55S Blue-RAY Sony Ericsson W850i Sony Ericsson K850i Sony Cyber-Shot DSC-W200 12.1 MP & M2 8 GB ---------------- بريد الاداره : se4m@hotmail.com اذا كان سبب الاضافه هو طلب او مشاكل متعلقه بالجوالات عذراً لن يتم قبول الاضافه على الماسنجر  . |
| 06-11-2006, 11:47 PM | ||||
| ||||
| ^ ^^ ^^^ ^^^^ ^^^^^ ^^^^^^ هذا الي فوقي شكله مب عايش معنا من أهلها ومب عارفها خخخخخخخخخخخخخخخخ - - - - - - - - - - أضيف شي لكلامك: (يابوووووووووويا) هذي أشهر كلمة وبعدين يطولون بالمد . يابوووووويا تعال نطلع فوق الثطوح (السطوح) ويقول السطوح ومعها شوية تفلان (الثطووووووح) هههههههههههههههههه والله سلتيني بالموضوع مشكور يالغلا أخوك بدر |
| 16-07-2007, 08:23 AM | ||||
| ||||
| من جد في اخس من كذا .. لكن الحمد لله جت على كذا .. ... ومازال الجديد مستمرا .. .. تسلم ياكوتوموتو ( هذه كمان من جده ! __________________   . من مواضيعي الطازجة .. الحقها قبل تصير بايته ... تصوير فيديو عن طريقة استخدام الـ W960i قبل نزوله للاسواق .. . خبر الموسم : تقارير فيديو عن المنتظر K850 ...  رجعت من السفر .. حمد لله على سلامتي ..  ومازالت .. ومشاركاتي خفيفة .. العذر حبايبي .. |
| 16-07-2007, 11:28 AM | ||||
| ||||
| أحّ !!!!!!!! كلامنا صاير مهزلة عندكم  أحّ = كلمة تقال عند التعجب وأزيدكم من كلماتنا إللي ما تفهموها  اندر بره : اخرج العن سنسفيلك : اهزأك اديلو : اعطيه الدهليز : مدخل البيت الكرتة : الفستان الكنتره : الجزمة اكرمكم الله القنعه : العبايه الكرويتة : دكة خشبية الزقاق : الشارع الضيق وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي باختصار هو الشارع الضيق دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم دحديرة : نزلة او منحدر الدبش : اغراض العروسة قبل لا تتزوج المملك : المأذون الشرعي الدقيسي :الفراغ اللي تحت الدرج أو المخزن المرقعة : الدلع والمياعه في الكلام والتصرف يتتريق : يستهزء اللغوصة : نقل الكلام وتسبيب المشاكل الدحلسة : اذا كنت بتتمصلح مع واحد عشان تبغى منه شي تقول يدحلس . هججوني : ازعجوني قوامن : بسرعه , حالاً الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر المرمشة: يمين بالله علينا كلمات فلّه المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام هذي إللي قدرت أفتكرها والباقي أكثر هههههههههههههههههههههههههههههههههههههههههه __________________ الإلكتروني |
| 17-07-2007, 02:07 AM | ||||
| ||||
| هههههههههههههههههههههههههههه كل اللي ردو من اهل جدة والله انا ترا كلام اهل جدة ماافهم عليهم بس حبوبين <= خايف __________________ So Long w850i welcome w960i |
| 17-07-2007, 04:54 AM | ||||
| ||||
| رجعتولي ذكريات >>> ابن مكة... سابقا مشكووور |
| 18-07-2007, 03:37 AM | ||||
| ||||
| مصطلحات جداً غريبة، و مكلكعة!!! كلام أهل الحجاز حلو... لكن... كلام أهل الشرقية أحلى!! عسل على قلبي!! "سلام قولاً من رب رحيم" __________________ ●• _________________________________ •● -϶|ϵ أبعد مِنَ البُعد ذاته ϶|ϵ- ●• _________________________________ •● |
|
| أدوات الموضوع | إبحث في الموضوع |
| طرق مشاهدة الموضوع | |
| |
[
العرض العادي
