الـشـايـب و الـوايـت !!

[الهرش]

يسولفون عن شايب نوا يشتري له وايت..عشان الحلال،،

وعزم يجمع له بالدراهم لين صار عنده ثمانين الف ريال،، وتوكل على الله،،

واقبل ذاك اليوم إلا ذيك الناس المجتمعة في ارض فضا،،

واثري جمبهم وايت،، وعجب خوينا هالوايت،،

قال بس خلني اشوف هالوايت عساه للبيع،،

يوم وقف واثري هالجماعة يحرجون

50 ،، 52 ،، 55 ،،

قال بس شكلهم يحرجون على هالوايت إن شاء الله انه من نصيبي

ويخش بالحراج .. 56 .. ويزود.. ويزودون .. ويزود..

لين وصلوا 75 .. قام خربها وقال 80 ..

هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!

يناظرونه.. يناظرون بعض.. يوم تغامزوا ونقز له واحد منهم ..

ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..


قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله

وش اسمك؟؟ عطاه اسمه وكتب له الشيك بمليون ريال وصرّف الرجال..


هو ما يدري وش السالفة ..

طيب وش العلم ..!!!!!؟؟!!!!

اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خاش معهم ..

ويحسبونه هامور يبي يلطش عليهم المخطط.. قاموا صرفوه بمليون..

وهو طاير من الفرحة..


يا حبي لك يا هالشايب .. .. يستاهل و الله

الله معطيه على قد نيته ..

[النشمي$]

وعلى نياتكم ترزقون بتصير هذي ليش لأ

مشكور يالهرش

[Aisha]

هههههههههه حلو

حظه واصل السما..
مشكور الهرش

[M:AR:I:O]

هاهاهاها

طيب خليه يرسل الف للمنتدى

[zozo20]

ههههههههههههه
مسكين على نياته..

[الــفــيــصــل]

تصير وكويس انة اخذة ماقال لا ابي الوايت