|
|
|
|
|
| التسجيل | التعليمـــات | قائمة الأعضاء | التقويم | البحث | مشاركات اليوم | اجعل كافة الأقسام مقروءة |
الاعلان معنا | تفعيل العضوية | طلب كود تفعيل العضوية | استرجاع كلمة المرور | مجلة سوني اريكسون العدد الثاني
|
|
|||||||
| القسم العام مواضيع ثقافية، اجتماعية، عالمية... بعيداً عن عالم الأجهزة و التكنولوجيا |
|
|
 |
|
|
أدوات الموضوع | إبحث في الموضوع | طرق مشاهدة الموضوع |
07-08-2007, 12:52 PM
|
||||
|
||||
|
اذا شفت واحد يأشر على الطريق...توقف له؟
 السلام عليكم الحين اذا انت ماشى فى امان الله ولا لك ولاعليك....واذا باحدهم يأشر على جانب الطريق هل توقف له؟ هل تاخذه معك؟ هل تطالع فى ملامحه اولا ان كانت بريئه والا شرسه؟ هل مقياس التوقف عندك يعتمد اذا كان عائله والا شباب فهنا يكمن الفرق؟ انا شخصيا لا احب انى اخذ احد معى بس احب اساعد اى احد متعطل وسيارته تافله العافيه... عطونا خبراتكم فى الخطوط ياشباب     
|
|
07-08-2007, 01:36 PM
|
||||
|
||||
|
أنا بالنسبة لي إذا بديت أسوووووق .. وعطاني أبوي الـDATSUN 84 الملبقة قدام باب بيتنا من سنين
 ماعندي مشكلة .. لو امسك خط الرياض -القصيم من أوله أي أحد يمر علي بالطريق اخليه يركب بالحوض وأقفل علي البيبان  واحد ,, اثنين ,, عشره ,, بكيفهم عاد خلهم يتعرفون على بعض بهالحوض ويقولون الله يبارك بهالحوض اللي جمعنا  >> حشا النقل الجماعي ما صارت !!++++++++++ خيووووو .. تبي رايي بصدق .. في نظرية الاحتمالات.. لو أنا شاب .. وراكب سيارتي لحالي في أمان الله ,, 1)شفت شاب متعطل ,, يمكن أنزل اساعده بس ما انقله معي .. 2) لو كانوا مجموعة شباب أمعصي اوقف .. 3) لو كانوا عائلة برضه ماراح أوقف ,, لاني ما اقدر انقلهم كلهم ,, ولو قلت لابوهم .. تحتاج مساعده ؟؟ بيفسخ العقال ويوريك الويل .. يحسبك تبي تغازل بناته >> هج ياولدخله يطلع الاستبنه ويفسر اكمامه هو وعياله .. يوسعون صدورهم ,, واذا متوهق مره والمشكله مو بالكفرات يساعدونه أمن الطرق والا حقين السطحات ++++++++++ لو انا شاب .. وراكب مع خوياي >> دخلت جووو بالمره 1) لو لقيت شاب لحاله .. ممكن أنقله أو أساعده على السواء 2) لو لقيت مجموعة شباب .. ماراح أوقف .. 3) لو لقيت عائلة ممكن أعرض مساعدتي بأني ادخل اقرب مدينة وارسل لهم سطحة والا تاكسي ولو رفض عاد بكيفه ============================ أذكر مره أبوي شرى ونيت جمس كبييييييييييييير مره.. ومية مليون علة فيه .. مدري وش القراده اللي خلت ابو عبد الله يشتريه المهم أننا ماعمرنا مسكنا خط الرياض الا تعطل لااااااااااااااازم ولا يمكن ما يوقف بنا >> هالسيارة مش عم تمشي بده حدى يدفشها دفشه  الجدير بالذكر انه مره ابوي شاحن شحنة أوادم بناته وبنات خالاتي وجدتي وخالاتي .. حوالي 20 نسمة ماشموا نسمة هوا  وكالعاده لازم يفشلنا ويتعطل ..عند المجمعة وبالليـــــــــــــــــــــــــــــل بس هالمره .. صار يطلع نيران ودخاخين من ورى >> يعني موب شغله كفر متصلخ والا بنشر والجدير بالذكر ان ابوي مامعه ولا جنس رجل .. كلنا حريم وولد صغير ... وقفوا لنا شباب .. وعرضوا خدماتهم .. بأنهم يدخلون المجمعه ويرسلون لنا نقل جماعي وفعلا .. جابوه .. بس كانوا نازلين من السماء .. كانت ورطه بصدق كل ماتذكرت وجه الشاب اللي قال .. يووووووووه كل هذولي راكبين معك >>> ●• _______________________التوقيع_______________________ •●  
|
|
07-08-2007, 02:17 PM
|
||||
|
||||
|
هاهاهاهاهاهاهاهاهاه
والله انتي مصيبة يالفجر البعيد انا بالنسبة لي ممكن اوقف اذا كان شكلو مسكين وانا معايا صاحب ●• _______________________التوقيع_______________________ •●  
|
|
07-08-2007, 04:32 PM
|
||||
|
||||
|
يسلموو اخوي الهرش ...
انا بصراحه السفر عندي كثير بين الرياض - القصيم.. وفعلا يواجهني ناس متعطلين.. وجدتي الله يطول من عمرها كل مره تحرصني اني ما اوقف ولا اساعد اي احد لان الدنيا الحين مو زي اول.. الواحد يركب معاك والمصيبه في جيبه.. وبصراحه هي مره وحده ... وقفت في محطه بنزين في طريق الرياض - القصيم ومادري الى شاب اسمر وباين فيه البرائه وكان يتكلم كويتي.!! قالي وصلني للمجمعه وفيه نقل جماعي طالع للكويت من هناك.. شيكت على الولد وبعدها وصلته..طبعا كل الطريق ساكت الولد مادري احترام والى خايف مني اكله  ..... وانا لو اشوف عائله متعطله اذا المشكله مثل ما قالت اختي كفر والى حااجه بسيطه يتساعدون هوو وعياله عليها اما مشكله كبيره ممكن يكون فيها مساعده ..!! ................... الفـ البعيد ـجر مع الايام راح اطلب تسجيل يوميات ●• _______________________التوقيع_______________________ •●  غير مسجل اذا اعجبك موضوع اضغط على  من الشريط العلوي .. فرصتك للاشراف في منتديات سوني اريكسون من هنـــا..اضغط على الشريط.. اضغط على اعلان المسابقه الان   التعديل الأخير تم بواسطة : ابن غشام بتاريخ 07-08-2007 الساعة 05:56 PM.
|
|
07-08-2007, 05:46 PM
|
||||
|
||||
|
اقتباس:
أخجلتمونا  ●• _______________________التوقيع_______________________ •●
|
|
08-08-2007, 02:31 AM
|
||||
|
||||
|
شف يابعد حيي(1) يالهرش(2) الوقفه لازم تكون على حسب الطريق وعلى حسب الوقت وعلى حسب الاشخاص بعد أول شي نجي للعوائل .. يعني عائله متعطله بطريق سريع ومعه عيال كبارين(3) ( خلي ولي ) ماراح اوقف . عائله صغيره والرجال متورط ومافيه غيره رجال اكيد راح اساعده . عائله كلها حريم ومافيه إلا " راقل "(4) واحد راح اوقف واساعده ( بس لا أحد يجي ويقولي مغااازل ) لأني مانيب راعي هالخرابيط وبعدين ماكثر الله إلا الحريم .. ما اغازل بطريق عاد !!! بس عاد بكل الأحوال ما اركبهم لأنه عائله وش السياره اللي تبي تشيلهم غير السيارات الكبيره وانا سيارتي راكب واحد بس << حشى(5) سيكل ذا مب سياره----------- نجي ( للفئة المغضوب عليهم ) الشباب ياحبة عيني اللي لو الواحد يشوفنا بالشارع ونباري الساس قال وش جابه هذا هنا اكيد جاي يغازل ( انا لله وانا إليه راجعون )... لو احصل واحد متعطل من الشباب لوحده وانا لوحدي ماراح اوقف له لو ينبت براسه اثله يعني ( خلي ولي ) . لو احصله واحنا اثنين او أكثر ممكن اشيله واوصله على دربي بس مابي مشاوير . لو احصل شباب اثنين او اكثر وانا لحالي مستحيل اوقف هذا طبعاً على صعيد الطرق السريعه .. أما لو كنت داخل المدينه فاتبع التالي : إذا كانت عائله ( صغيره كبيره يأشر ولا مايأشر ) ماراح اوقف ( خلي ولي ) . إذا كانو شباب أو شاب لحاله ( خلي ولي ) الديره قريبه وربعه واجد . أما لو كان شايبٍ طايح ومهذري(6) مستحيل اوقف له لأني تورطت بواحد شلته بوصله وبالأخير اكتشفت انه مخذرف(7) ولا نزل من سيارتي إلا بعد ماوقفت الأمن . << موقف لا يحسد عليه لو كان عامل ( هندي ) عادي اما سوداني ويماني على حسب ( والباكستاني ) مستحيل << حشيش وبلاوي  هذا اللي راح اسويه وان شاء الله يستر على المسلمين ولا يضعهم بالموقف هذا ----------------------- تعقيبات اختي ( الجدير بالذكر ) موقفكم بالمجمعه صدق ولا ارنب طاير ؟؟!  وشولن 20 نسمه بجمس وانيت هذا قلابي مب جمس اقتباس:
-------------------------------------------- توضيحات 1) تقال لبعض الناس وتكثر في منطقة حائل . 2) الرجل الكبير في السن وتطلق ايضاً على البعير العود 3) اي ييدبرون انفسهم . 4) راقل اي رجل في اللغه العربيه . 5) تقال للتعجب والتهويل وتطيير البوهه . 6) مخرف على قولة اخواننا المصريين . 7) اقراء الملاحظة السابقه . لكـ مني تحية وشكرا على المواضيع الحلوه اللي مثل هذاي ياهرشنا المحبوب ●• _______________________التوقيع_______________________ •● Nothing التعديل الأخير تم بواسطة : !i C r a z Y i! بتاريخ 08-08-2007 الساعة 02:41 AM.
|
|
08-08-2007, 04:20 AM
|
||||
|
||||
|
&مجنونها&
تبيني احلف .. مانيب حالفه .. كبرك اتسذب أنا !!؟؟ قعدت ساعه ابحث عن صور لجمس مقرود زيه .. يمكن تصدق .. بس للأسف مالقيت .. وتوصلت لهذا يشبه له .. لكن حقنا كان بيج كله .. وغمارتين .. وحوضه اطول من هذا ..ومغطى بشراع والحوض كان ماخذنا بالراحة  على العموم هو كبير وعريض .. ماكنا متضايقين ابد .. جاك العلم وانا اختك .. بليف ات اور نت ●• _______________________التوقيع_______________________ •●
|
|
08-08-2007, 05:27 AM
|
||||
|
||||
|
اقتباس:
 اي امزح عاد انا << لاااه يوم شفت الصدز اي عرفته عرفه وصدقتكـ والدليل اني شفتكم ذاكـ اليوم يوم اتعطلون عند المجمعه لأنه مابوه جمس غيره خخخخخخخخخ وأذكر بعد لونه بيج والحوض شراع << اقتباس:
●• _______________________التوقيع_______________________ •● Nothing
|
|
08-08-2007, 07:05 AM
|
||||
|
||||
|
والله يا خوان
انا ماطلع برا جدة مجنونها والله طلعت كاتب كبير ومنافس شديد للفجر البعيد ●• _______________________التوقيع_______________________ •●
|
|
08-08-2007, 11:51 AM
|
||||
|
||||
|
اقتباس:
يعطيكـ العافيه على الاطراء تحيتي ●• _______________________التوقيع_______________________ •● Nothing
|
|
10-08-2007, 04:21 AM
|
||||
|
||||
|
اقتباس:
 >> وهـ ياحزني السنة اللي جايه بينافسني على مسلسلات رمضان ========== شكلنا قلبنا الموضوع سواليف .. وين الشباب !!! يهمنا رايكم ========== ويحفظكم ربي الهرش - M:AR:I:O - ابن غشام - &مجنونها& +++ ●• _______________________التوقيع_______________________ •●
|
|
| Bookmarks |
| أدوات الموضوع | إبحث في الموضوع |
| طرق مشاهدة الموضوع | |
|
|
 |
العرض العادي
