تم شراء ARC S اللون الابيض

وحبيت اقولكم انطبعاتي عن الجهاز ولكي تعم الفائده خصوصا المقبلين على شراء ARC S

1 - التصميم والحجم :

التصميم اعتبره تحفه فنية ،الصزاحه تصميم الجهاز وايد واهو الي جذبني بالجهاز خصوصا التصميم راح يهم حق الاشخاص الي يهمهم ستايل التلفون ومن افضل التصاميم الموجوده بالسوق

و وزن الجهاز خفيف وايد يعني امتحس فيه كلش و مسكه الجهاز مريحه بسبب تصميمه الذكي >>

2 - الكيمرا :

الصراحه تصوير الجهاز ممتاز جدا وجوده عاليه ومن افضل الكيمرات الموجوده بالسوق لحد الحين والكيمرا الصراحه ماعليها كلام وفيها المثر من المزايا واهم 3D

3 - الفيديو :

تصوير HD وبحوده عاليه ،

4 - الشاشة :

حجم الشاشه ممتاز حتى حسيت شاشه الايفون صغيره بعد ماستخدمت الارك

ولكن لم يعجبني سطوع الشاشه احس اللوان باهته كآنه سطوع شاشه ساتيو

والجرافيكس الصراحه تعبان وحتي الرزوليشن

يعني من تقارن بين وضوح شاشة IPHONE 4 و ARC

شاشه الايفون تتفوق وبمراحل من ناحيه الدقه واللوان وجمال اللوان الشاشه والجرافيكس ،، الخ

وللآسف احس الشاشه بدائيه شويه مقارنه بين الاجهزه الموجوده بالسوق ....

5 - السرعه :

الجهار سريع وسلس بين التنقل بين القوائم

ولكن فيه بطء شوي عند تشتغيل البرامح الي حجمها كبير ،،،

6 - الصوت :

صوته الجهاز روعه وعالي واتحفني الجهاز بصوته النقي ولقد تفوق على صوت الايفون من ناحيبه صوت السبيكر

وبخصوص سماعات الاذن تحس هناااك تنافس قوي بين الايبود و الوكمان

ومعروفه سماعات سوني اريكسون بالجوده العالية

7 - اللمس :

ممتاز ومثل الايفون تقريبا ..

8 - التصفح :

سريع في فتح المواقع واسرع من متصفح سفاري IPHONE 4

وولكن متصفح الايفون افضل من ناحيه التحكم في الصفحه وتحريكها ،،،

9 - الماركت و التطبيقات :

صحيح في تطبيقات مشتركه بينه وبين الايفون

ولكن تطبيقات الايفون افضل من ناحيه شكل التطبيق وجوده التطبيق

على سبيل مثل برنامج PALRINGO

على الايفون تحس البرنامج متطور اكثر والقوائم احلى وشكل البرنامج افضل ويعمل بكفائه علي الايفون

ولكن علي الاندوريد تحس البرنامج مستواه اقل من الايفون وفي اختلاف من ناحيه شكل البرنامج وتصميم البرنامج تحسه ليس بمستوي المطلوب

محد راح يحس الفرق الا اذا جرب التطبيقات بين الجهازين ....

الملحقات الي اتيي مع الجهاز :

جارج العادي

جارج سياره

مومري 16 جيجا

لاذر كيس

جارج سياره

السماعات

وستيكر حق الشاشه

كيبل حق التلفزيون

==========

وتم بيع جهاز في ثاني يوم

وقررت شراء IPHONE 4 S

وسبب بيع الجهاز

انا يهمني التطبيقات

الجهاز بدون تطبيقات راح تنمل منه بسرعه عكس الايفون مع IOS 5 والتطبيقات الي فيه صار الجهاااز زوعه

وخصوصا معالج A5 ثنائي النواه راح يكون موجود في 4S مثل الايباد 2

ومعروف اجهزه الايباد 2 من اسرع اجهزه التابلت

والسبب الثاني انا يهمني الكيمرا والحمدالله الايفون حلت المشكله وقدمت لنا كيمرا ممتازه من سوني وتنافس كيمرا الارك وقد تتفوق عليها ،،

الي يساعد سرعه االجهاز اهو النظام + المعالج ايضا نفسه الي اعتبره اخف من الاندوريد

والكثير من اجهزه التابلت بمواصفات افضل ولكن ماتفوقت علي الايباد 2

ومابالكم سرعه IPHONE 4S !!

وفي الاخير الي للحين عنيد والي للحين مقتنع الاندوريد افضل

الي يبغي جهاز اندوريد جديد انصحه في ARC S

لان سعر ممتاز مع مواصفات حلوه ،،،

بس كنت اتمني في 4S شاشه اكبر ويكون فيه HDMI مثل الارك

واملي كبير في IPHONE 5 الي احسه راح يكون مواصفاته قمبله من ناحيه الهاردوير ولا اتوقع فرق كبير في النظام ماراح يتغير وايد ولكن علي ماتوقع راح تكون صفات هاردوير خياليه

وانا حاوللت قد ماقدر اكون حيادي واقولكم انطبعاتي بكل امانه

واتمني عجبكم الموضوع

واتمني تعم الفائدنة علي الجميع والمقبلين على شراء اجهزه يديده

واي استفسار انا حاظر

ومادعمت الموضوع بالصور لاني مالي خلق خخخ

**سـهم** · 23-10-2011, 03:09 AM

هذا رايك وانت حر فية

لكن اذا انت هاوي برامج

فمافي مقارنة بين برامج نظام الايفون ونظام الاندرويد

لانك في الاخير سوف تكتشف ان برامج الاندرويد اكثر ونسبه البرامج المجانية اكثر عنها في الايفون

تحياتي لك

**imSuhaib** · 23-10-2011, 03:17 AM

.

رأيك الشخصي ،

يكفيني منك أنك بادرت وأشتريت الجهاز وبنيت موضوعك على تجربة واقعية بعيداً عن كلمة ( سمعت ، قرأت ، كما هو معروف )

الموضوع المبني على التعامل المباشر هو الموضوع الأدق دائماً والمفيد للمقبلين على الشراء

وجهة نظري الشخصية أني أفضل الـ Xperia arc على الـ iPhone نظراً لتباعد وجهات النظر

* * *

مع خــآلص إحترامي وتقديري لشخصك الكريم

**للإحتراف صانع..** · 23-10-2011, 04:04 AM

ههههه مع ان العنوان يوحي بحاجه سيئة بالجهاز, لكن يعطيك العافية اخوي

وصدقني انا من مجربي الآرك لاكثر من شهرين حاليا, ولو مداني بعته الحين واخذت لي الآرك اس

**Saad-sm** · 23-10-2011, 06:47 AM

شكرا اخي على التقرير المبدع وننتظر تقريرك عن الايفون ٤ اس

**أبو إياد** · 23-10-2011, 09:40 AM

أنا ودي ابيع اكسبيريا أرك واشترك أرك أس
وين المحلات اللي تشتريه الله لا يهينك تكون

**fromq8** · 23-10-2011, 12:07 PM

خلاص انتهاء عصر معالجات احادي النواة
وبدأ عصر جديد في معالجات الهواتف .

ففي وقت كهذا تقل قيمة هذه الهواتف لتصبح من الماضي .

عصرا جديد يمزج بين النظام والهاردوير
للوصول الى اقصى قدرات الهاتف .

وشكرا

Sent from my GT-I9100 using Tapatalk

**CyberShot** · 23-10-2011, 12:26 PM

بالعكس حتي تطبيقات IOS فيها مجانية وايد

**بو عسكور** · 23-10-2011, 02:13 PM

صح كلامك اخوووي من ناحية البرااامج
برامج الايفووون مطوره اكثر وعمليات اكثر اما برامج الاندريوود احسها مب عمليه والجرافيك مالها قليل غير ios صحيح ان برامج الاندريود اكثر بس اكثريتها ما منها فااايده
ممممممممممم
عند اخوي الايفون فور اس
بسوي مقارنها الشاشه بينه وبين الراي
وانا اللي اعرف انا اضائة الارك قويه

**Saad-sm** · 23-10-2011, 03:56 PM

المشاركة الأصلية كتبت بواسطة بو عسكور

عند اخوي الايفون فور اس
بسوي مقارنها الشاشه بينه وبين الراي
وانا اللي اعرف انا اضائة الارك قويه

تكفا دخل ال N9 معهم عشان تطلع المقارنة صح

**CyberShot** · 23-10-2011, 04:34 PM

الحمدالله اليوم طلبت IPHONE 4S وانشالله راح يوصلي بعد سبوعين

والله يعين علي الانتظاار خخخخخخخخ

**Mr Ca$h** · 23-10-2011, 06:01 PM

انا اوافق وجهة نظرك صراحة و خصوصا ما ذكرته عن البرامج

الا قلي , طلبت الايفون من ستور بريطانيا؟

Sent from my LT15i using Tapatalk

**RaDi** · 23-10-2011, 10:11 PM

في نقطه الشباب للأسف مش فاهمينها

بس للتوضوع ، الSDK الخاص بأبل أنا جربتها على الماك ، صراحه محدوده جدا قدراتها مقارنةً بالأندرويد لكن أبل عملت حركة حلوه ، صممت أساسي البرنامج بنفسها ! يعني الحين لو ما حطيت خلفية في برنامجك أوتوماتيكي بتظهر نفس خلفية برنامج سيري ، لو إنك حطيت عداد أوتوماتيكي العداد بيصير نفس شكل المنبه 3 دوائر تلفها. الأزرار أوتوماتيكي بتصير حوافها دائرية . عكس الأندرويد اللي يعطيك شاشة بيضاء فقط وأنت تصرف !

الفكره أنه البرامج غصباً عن المطور بيطلع شكله حلو ! لكن هذا الشي حد كثيرا من قدرة المطورين في الآيفون وصاروا كلهم ديزاين واحد بدون أي إختلاف !

بإختصار ، SDK أبل أفضل للمطورين المبتدئين , SDK أندرويد أفضل بمرااااحل للبروفيشنال .

رأيي الشخصي ، أنا ما يهمني الشكل نهائياً ، لكن يهمنا الأداء ، في برنامج في الأندرويد إسمه PPPeO ، مش موجود في آب ستور ، لكنه موجود في الأندرويد ، الصراحه تصميمه مقزز بكل ما تعنيه الكلمه ! لكن أداء البرنامج عالي جداً وأسرع من أداء الويندوز نفسه في التعامل مع هذا النوع من الإتصال

**TheIlluminative** · 23-10-2011, 11:22 PM

أعتقد أنها ليست محدودية بقدر المحاولة على الحفاظ على مستوى معين من الجمالية والرقي على مستوى التطبيقات. بالنسبة لي أفضل هذا عن التصميم الخاص .. سيكون التطبيق بتصميم مختلف وأحيانا كثيرة غير متناسق مع النظام أصلا وربما يشوه المنظر ويكون شكله "مقزز" .. لكن في iOS فأنت تضمن أن الأشياء الأساسية على الأقل ستكون ذات تصميم راقي ومستوى معين من الجمالية .. مثل الأزرار كما قلت والعدادات وغيره .. هذه تتوحد وتتكامل مع تصميم النظام نفسه وتعطيك تجربة استخدام أكثر رقيا .. إذا كانت المحدودية في التصميم لتعطيك مثل هذا المستوى من التطبيقات فهي مرحب بها بالطبع وأفضل من ترك الخيار بالكامل لك وربما تخرج بتطبيقات تشوه تجربة الاستخدام!

**CyberShot** · 24-10-2011, 02:41 PM

المشاركة الأصلية كتبت بواسطة Mr Ca$h

انا اوافق وجهة نظرك صراحة و خصوصا ما ذكرته عن البرامج

الا قلي , طلبت الايفون من ستور بريطانيا؟

Sent from my LT15i using Tapatalk

اي طلبت الايفون من كم يوم وراح يشحنونه في واحد نوفمبر

وطلبته من الستور البريطاني >>

وبخصوص الستور الامريكي لحد الحين الجهاز مغلق ومو مفتوح علي كل الشبكات

ولكن في تاريخ واحد نوفمبر راح يوفورون الست،ر الامريكي اجهزه مفتوحه علي كل الشبكات

وراح يكون ارخص من البريطاني لان سعر العمله ارخص من البريطاني بكثير ،،

،الي حاب يشتري ينتظر ويشتري من الستور الامريكي في نوفمبر