السلام عليكم
أنا لآبتوبي زي ما ذكرت قبل سوني فايو CS36MJ و النظام ويندوز فيستا ’ و بعد ما اشتريتو بمده خرب و وديتو لمحل يفرمتو و غير النظام لويندوز 7
المهم لآحظت انو أزارير اللمس ما تشتغل و كمان عندي الجهاز أول ما يسير حار يطفي حتى لو حاطتلو مروحه و احياناً قبل لا يحتر يطفي أعرف ناس عندهم سوني لا ويحطوه على مخده و لا عمرو طفى ما شاء الله و ديتو لوكالة سوني مع الضمان و قلتلو المشكله قلي أكيد غيرتي الويندوز و انو دا ما يشملو الضمان و فايو ما ينفع لو أي شي لازم نسخه أصليه و اذا تبغي ويندوز 7 السعر بـ 630
في أحد مر بمشكلتي ؟ و يعني لازم كل ما أبغى أفرمتو أوديه للوكاله و أفرمتو بـ 630 ؟!

**vaio2011** · 28-10-2011, 11:11 PM

السلام عليكم
مشكلتك محلولة جبي الجهاز الوكالة لانو cs دايم مشكلتة المروحة (عشان كذا بيطفي ) تتغير عادي داخل او خارج الظمان وامر الوندوز انا اشوفة لك مومشكلة

**M E Z U K I** · 30-10-2011, 04:32 PM

ممم طيب يعني دحين لو قلت لوكالة سوني تغير لي المروحه او يشوفوا لي حل معاها محايطالبوني بتغيير نظام الويندوز ؟
طيب يمككن المشكله من الباور صح و لا لا ؟

**vaio2011** · 31-10-2011, 12:34 AM

شوفي الله يعطيك العافية انا شغال في الصيانة الي في جدة انتي ودي الجهاز للوكالة الي في مدينتك بس طبعا اذا تبي تسوي فورمات في الوكلاه راح يرجعولك النظام الاصلي للجهاز (وندوز فستا ) اما بنسبة للباور اذا كان يطفي فجائه مو يعني الوندوز وزي ماقلتلك مشكلة الموديل الي عندك مروحة انتي ودية الوكالة وقولي لاتسوون فورمات او اذا انتي في جدة انا راح اكون هناك

**vaio2011** · 31-10-2011, 12:38 AM

الكلام هذا لكل الي موجودين في المنتدى الكريم انا جديد في المنتى ونشاء الله افيدكم وتفيدوني اي غرض من عالم سوني انا في خدمتكم ونشاء الله ماقصر معاكم حتى في الاسعار الاجهزه اي واحد يبي جهاز من عالم سوني اجيبو باقل من سعر السوق وسلامتكم

**M E Z U K I** · 31-10-2011, 04:33 PM

الله يعافيك يا رب أفدتني صراحه تسلم و الله
لآ أنا من المدينه يا ريتك كنت عندنا عشان أجيب الجهاز و تشوفلي صرفه معاه قاهرني ><"

**M E Z U K I** · 31-10-2011, 04:35 PM

ايوا كمان لما وديتو سألني عن الفاتوره قلتلو ضاعت ليش مهمه يعني و لا ايش فايدتها ؟
و لو ابفرمت الجهاز عادي اوديه لأي محل مو لازم الوكاله ؟ و لازم نسخه اصليه ؟ و اقدر احول لويندوز 7 ؟

**vaio2011** · 01-11-2011, 12:28 AM

اكيد الفاتورة او كرت الظمان تكون موجودة بالنسبة للفورمات عادي بامكانك تنزلي علية وندوز 7 بس مش راح يكون اصلي اذا من محلات عايدية ميزت الوكالة ينزلولك نسخة الجهاز الاصلية او وندوز 7 الاصلي شوفي انتي حاولي مع الفرع الي عندكم ممكن يساعدونك وفي شي ثاني في عندنا في جدة في خطاب تعهد على الجهاز انو الفاتورة ضايعة او شي بس لازم ياخذو صورة الهوية ماادري اذاكان فرع المدينة زي كذا انتي شوفي ونا تحت امر اي واحد في المنتدى