توني كنت بشير الانتباه لمسألة سعره في سيليكوم وانه 185 كسعر تجزئة للموزعين...
بمعنى الفرق كبير من 185 إلى 250 كبير جداً !! ( 65 دينار يا جماعة !! )
ولكن بعد ما شفت سعر الـ T650 صار عندي يقين بأن سعر الـ K850 ما راح يقل عن 220
ولكن لا ننسى بأن هذه الأسعار هي أسعار الانطلاقة، واللي دائماً اتكون مرتفعة، يعني مثلاً سعر الـ P1i في السعودية أول ما طلع بـ 2600 بينما بعد فترة قصيرة محلات ثانية صار عندها بـ 2200 ريال !!
فإذا تكررت نفس المسألة للـ T650 والـ K850 فالأمر فيه إنَّ، سعر الـ T650 راح ينزل إلى 150 - 160 وسعر الـ K850 بينزل إلى 200 - 210
ولكن فخرو مجرد مسألة إذا فعلاً تكررت القضية مو غريبة اتشوفون عشرات الزبائن يتجهون إلى الشراء من السعودية أو من محلات ثانية، والضمان عادية المسألة كلها نص ساعة للسعودية كلنا جيران !!! هالنص ساعة ولا فرق 40 - 50 دينار !!! لو تسأل ألف شخص هل تسوى 40 - 50 دينار علشان ضمان في بلدك، وعندك بلد ثاني جنبك كلها نص ساعة وانتة اموصل بقولون ليك ما تسوى ؟؟
فعلاً سياسة تسويقية زمن الطرح يكون السعر مرتفع أذكر أنا أخذت الـ K750i أول ما طلع، اتصلوا الوكالة يوم الخميس نزل، ويوم السبت أنا في الوكالة أخذته بـ 169 دينار، وظل شهرين وبعدين نزل إلى 159 دينار ( عشرة دينار بس !! )، بينما في نفس الوقت في السعودية كان 1490 ريال !!
المشكلة يا فخرو هي في الناس اللي اتعودوا على الـ K من أيام الـ K700 مروراً بالـ K750 والـ K800... أسعار هذي الأجهزة كلها ما وصلت حتى 190 دينار عند الانطلاق، انجي إلى الـ K850i وهو 250 !!!
إذا المسألة على كاميرا الـ K850i هي 5 ميجابكسل، فهذا ما أعتبره حجة إلا لتنزيل السعر لأن الـ N95 موجود، لاحظ زمن الـ K750 أساساً ما كان فيه أي تلفون بـ 2 ميجابكسل، يعني الـ K750 كان متفرد في السوق تماماً، وهذا يعطيه أولوية لأن يرتفع سعره ولكن سعره كان عادي...
الحين في أكثر من جهاز 5 ميجابكسل، وبعضها فيه مزايا أكثر وسعره رايح ينزل ينزل، وتبون اتطلعونه بـ 250 !!!
الصراحة فخرو وبصراحة تامة اتشردون الزبائن، أدري الأمر مو بيدكم لأن هذا سعر K850i من الشركة، وشكلها سياسة عامة خصوصاً بعد ما شفنا سعر الـ T650i ولكن على الأقل اتسوون رسالة إليهم، أحنا مو قاعدين في أمريكا أو أوروبا مستوانا المعيشي في الشرق الأوسط أقل من أمريكا وأوروبا فلازم في مراعاة. لهذا الجانب مثل ما هم مراعين كون اليابان مستواها ينطح السحاب !!
وِه تعبت، ومسامحة على الإطالة ولكن أطلع اللي في قلبي شوي
.....عاشق k850....
العرض العادي
